Isaias 51:2 - Marahay na Bareta Biblia

² Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 51:2 ပူးပေါင်းရင်းမြစ်များ

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 24:1

Gurang nang marahay si Abraham asin benendisyonan siya nin Kagurangnan sa gabos na bagay.

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Isaias 29:22

Kaya ngunyan an Kagurangnan, an Dios nin Israel, na nagligtas ki Abraham sa kasakitan, nagsasabi, “Dai na kamo mamumugtak sa kasosopgan, banwaan ko, asin dai na mamumula sa sopog an saindong lalawogon.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 43:27

Nagkasala an naenot mong ginikanan; nagkasala tumang sako an saimong mga lider,

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 60:22

Maski an pinakasadit saka pinakamapakumbaba sa saimong mga pamilya magigin dakula siring sa sarong mapangyaring nasyon. Papangyarihon ko ini sa tamang panahon na dai na mahahaloy. Ako an Kagurangnan!”

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Ezekiel 33:24

“Aki nin tawo, an mga nag-eerok sa mga rumpag na syudad kan daga nin Israel nagsasarabi: ‘Saro sana si Abraham alagad itinao saiya an bilog na daga. Ngunyan mas dakul na kita, kaya satuya na an daga.’

Deuteronomio 1:10

Ginibo nin Kagurangnan na saindong Dios na magdakul kamo siring sa mga bitoon sa langit.

Deuteronomio 26:5

Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.

Josue 24:3

Dangan kinua ko si Abraham na saindong ginikanan, hale sa dagang idto sa ibong kan Eufrates, asin pinangenotan ko siya pasiring sa bilog na daga nin Canaan. Tinawan ko siya nin dakul na kapagarakian. Nagin aki niya si Isaac,