Isaias 51:15 - Marahay na Bareta Biblia

¹⁵ “Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Isaias 51:15 ပူးပေါင်းရင်းမြစ်များ

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

An Libro ni Job 26:12

Huli kan saiyang kapangyarihan, napatoninong an dagat; huli kan saiyang pakasabot, an impaktong si Rahab nagadan.

Salmo 107:25

Nagboot siya asin nagluwas an makosog na doros, na nagbukag kan mga alon sa dagat.

Salmo 136:13

Binanga niya an Dagat na Pula; an saiyang pagkamoot mayo nin kataposan;

Salmo 74:13

Binanga mo an dagat kan saimong kosog; rinonot mo an payo kan mga dragon sa katubigan.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Isaias 47:4

An banal na Dios nin Israel iyo an nagpapatalingkas samo— Kagurangnan nin mga hukbo an saiyang ngaran.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.