Isaias 51:14 - Marahay na Bareta Biblia

¹⁴ Madali nang talingkasan an mga bilanggo; mabubuhay sinda sa halawig na panahon asin dai magkukulang an saindang pagkakan.

Isaias 51:14 ပူးပေါင်းရင်းမြစ်များ

Esdras 1:5

Dangan an mga pamayo kan kamaganakan ni Juda asin ni Benjamin, an mga padi saka mga Levita, asin an lambang saro na an puso hiniro nin Dios, nag-andam sa pagbalik sa Jerusalem asin sa paghirahay kan Templo nin Kagurangnan duman.

Isaias 30:20

Papaagihon kamo nin Kagurangnan sa mga masakit na panahon, alagad tutukdoan niya kamo sa panahon na iyan, asin dai na kaipuhan na hanapon pa nindo siya.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 52:2

Pagbangon, O Jerusalem! Maghale ka diyan sa alpog asin magtukaw ka sa saimong trono! Tangkasa an kadena na nakagapos saimo, bihag na banwaan nin Sion!

Jeremias 37:16

Ilinaog ninda ako sa sarong selda sa irarom kan daga asin haloy akong ibinilanggo duman.

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.