Isaias 51:12 - Marahay na Bareta Biblia

¹² Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Isaias 51:12 ပူးပေါင်းရင်းမြစ်များ

2 Mga Hade 1:15

Nagsabi an anghel nin Kagurangnan ki Elias, “Mag-iba ka sa saiya, asin dai ka matakot.” Kaya nag-iba si Elias sa opisyal pasiring sa hade,

Salmo 118:6

An Kagurangnan kaapil ko, dai ako matatakot; ano an magigibo nin tawo laban sako?

Salmo 146:4

Kun sinda magadan, mabalik sinda sa alpog; sa aldaw na iyan, an gabos nindang plano matatapos.

Salmo 92:7

maski magtalubo an mga tampalasan arog sa mga doot, asin mag-uswag an gabos na paragibong maraot; alagad gabos sinda mapupuho sagkod pa man,

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 2:22

Dai na kamo magsarig sa mga tawo, huli ta ano an makukua nindo saiya?

Isaias 40:1

“Rangaha nindo an sakong banwaan,” an sinasabi kan satong Dios. “Rangaha nindo sinda!

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 66:13

Rarangahon ko kamo sa Jerusalem, siring kan pagranga nin sarong ina sa saiyang aki.

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Jeremias 38:19

Nagsimbag an hade, “Natatakot ako sa mga Judio na nag-apil sa mga taga Babilonia. Tibaad itao ako sainda saka pasakitan.”

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Juan 14:18

“Dai ko kamo papabayaan paghale ko; babalikan ko kamo.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

1 Pedro 1:24

Siring sa sinasabi sa kasuratan, “An gabos na tawo arog kan doot; An gabos nindang kagayonan kaagid sa mga burak kaini. An doot naaalang asin an burak nararakdag,

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 17:11

Kan madangog ini ni Saul asin kan saiyang mga tawohan, nanruluya sinda asin nagkatarakot nin makuri.

1 Samuel 21:13

Kaya binago niya an saiyang hiro sa atubangan ninda; nagsagin-sagin siyang bua kun pinupugol siya ninda. Nagsusurat siya nin kun ano-ano sa trangkahan kan syudad asin pinabayaan niyang magbulos an saiyang laway sa saiyang barabas.