Isaias 50:9 - Marahay na Bareta Biblia

⁹ An Kagurangnan Dios mismo an nagsusurog sako— siisay an makakapatotoo na may sala ako? Magkakawarara an gabos na nagsusumbong sako; mawawara sinda siring sa telang kinakan kan anay.

Isaias 50:9 ပူးပေါင်းရင်းမြစ်များ

An Libro ni Job 13:19

“Madigdi ka daw sa pagsumbong sako, O Dios? Kun iyo, dai na ako magirong; andam na akong magadan.

An Libro ni Job 13:28

Huli kaiyan, naroronot ako siring sa lapang kahoy, arog sa gubing na ginagatob nin kino.

Salmo 102:26

Matutunaw ini gabos, alagad ika magdadanay; magigin daan sinda siring sa gubing. Riribayan mo sinda arog kan pagsangle mo nin gubing, asin sinda mapapara.

Salmo 39:11

An kasalan nin tawo pinapadusahan mo huli sa pagsagwe mo. Siring sa sarong bokbok rinaraot mo an mahalaga para saiya. Totoong an tawo kabaing sa sarong hinangos.

Salmo 54:6

Sa maogmang boot maatang ako saimo, Kagurangnan; magpapasalamat ako saimo huli ta ika marahay.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Santiago 5:2

Lapa na an saindong mga kayamanan, nginotngot na an saindong mga gubing.