Isaias 50:6 - Marahay na Bareta Biblia

⁶ Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Isaias 50:6 ပူးပေါင်းရင်းမြစ်များ

Nehemias 13:25

Sinagwe ko sinda, pinatakot nin mga maldisyon, hinampak asin rinabnotan nin buhok. Dangan pinasumpa ko sinda sa ngaran nin Dios na dai ninda ipagpaagom asin pagpaagomon sa mga dayuhan an saindang mga aki.

An Libro ni Job 16:10

Ngingisihan ako kan mga tawo; pinalibotan ninda ako dangan sinampaling.

An Libro ni Job 30:10

Nauuyam asin naghaharayo sinda sako; mayong pagduwa-duwang minakuspa pakahiling sako.

Salmo 129:3

Siring sa mga paraarado, linugad ninda an sakong likod; hararom an nagin mga lugad ko.

Salmo 69:7

Huli saimo, an mga pagduhagi tinitios ko, napano nin kasopogan an lalawogon ko.

Salmo 69:8

Ako nagin dayuhan sa sakuyang mga tugang, dayuhan sa mga aki nin sakuyang ina.

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Isaias 53:7

“Pinasakitan siya nin makuri, alagad mapakumbabang tinios niya iyan; dai lamang siya nagtaram nin anoman. Siring sa kordero na dinadara sa bunoan, siring sa karnero na guguntingan, dai lamang siya nagtaram nin anoman.

Mga Panambitan 3:30

Maski sinampaling asin ininsulto dapat akoon nyato iyan gabos.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mga Bilang 12:14

Nagsimbag an Kagurangnan, “Kun linutaban siya sa lalawogon kan saiyang ama, bakong dadarahon niya an kasosopgan sa laog nin pitong aldaw? Pabayaan nindo siya sa luwas kan kampo sa laog nin pitong aldaw; pakatapos kaiyan pwede na siyang makalaog.”

Mateo 26:67

Dangan linutaban ninda an saiyang lalawogon saka hinampak siya. Sinampaling siya kan iba

Mateo 27:26

Dangan pinaluwas ni Pilato si Barrabas; pakatapos na ipahampak si Jesus, itinao niya ini sainda tanganing ipako sa krus.

Mateo 27:30

Linutaban ninda siya, kinua an badas saka pinakol siya sa payo.

Mateo 5:39

Alagad ngunyan sinasabihan ko kamo: dai kamo magbalos sa naggigibo saindo nin maraot. Kun may sumampaling kan too mong pisngi, ipasampaling mo pa an sa ibong.

Markos 14:65

Linutaban si Jesus kan nagkapira sainda, tinahoban an saiyang mga mata dangan sinuntok. “Ukoda daw kun siisay an nagsuntok saimo!” an sabi ninda. Sinampaling man siya kan mga bantay.

Markos 15:19

Pinukpok ninda siya nin sugkod sa payo, pinaglutaban siya, saka pinagluhod-luhodan sa paggalang saiya.

Juan 18:22

Pakataram kaini ni Jesus, sinampaling siya kan saro kan mga bantay asin sinabihan, “Arog kaiyan an pagsimbag mo sa Halangkaw na Padi?”

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.