Isaias 50:4 - Marahay na Bareta Biblia

⁴ Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Isaias 50:4 ပူးပေါင်းရင်းမြစ်များ

An Libro ni Job 4:4

An matutumba saimong pinakosog huli kan saimong mga tataramon; pinasarig mo an maluyang mga tuhod.

Salmo 119:147

Bago mag-alagaag an kaagahon, minaagrangay ako saimo; naglalaom ako sa saimong panuga.

Salmo 143:8

Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Salmo 40:7

Dangan ako nagsabi, “Uya ako; mga katukdoan mo para sako nasusurat sa libro.

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 5:3

pagkaaga dinadangog mo an sakong tingog. Pagkaaga dolot ko saimo an sarong atang, dangan minahalat kan saimong kasimbagan.

Salmo 88:13

Alagad, Kagurangnan, minaagrangay ako saimo; aga-aga namimibi ako saimo.

Mga Talinhaga 12:25

An kahaditan minapagabat kan puso nin tawo, alagad minapaogma saiya an marahay na tataramon.

Mga Talinhaga 15:23

Nakakaogma an pakakua kan tamang tataramon para sa tamang okasyon!

Mga Talinhaga 25:11

Tampok na bulawan sa alahas na plata an kabaing kan tataramon na isinabi sa tamang panahon.

Isaias 28:19

Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Isaias 28:9

Nagrereklamo sinda dapit sako. Nagsasabi sinda, “Siisay sa paghona kan tawong iyan an saiyang tinutukdoan? Siisay an nangangaipo kan saiyang mensahe? An mensahe niya marahay sana para sa mga aking bago pa sanang butason!

Isaias 35:5

Dangan makakahiling an buta asin makakadangog an bongog.

Isaias 40:29

Pinapakosog niya an mga nanluluya asin napapagal.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 8:16

Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Jeremias 31:25

Papakosogon ko an mga napapagal saka pakakakanon ko an mga nanluluya huli sa gutom.

Ezekiel 46:13

An Kagurangnan nagtataram, “Aga-aga, sarong kordero na sangtaon an edad na mayo nin kaninan an kaipuhan idolot bilang tinutong na atang para sa Kagurangnan. Kaipuhan gibohon ini aroaldaw.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Mateo 13:54

asin nagpuli sa sadiri niyang banwaan. Nagtukdo siya sa sinagoga; nagngalas an gabos na nakadangog saiya. Naghinarapot-hapotan sinda, “Saen nakakua nin siring na kadonongan an tawong ini? Ano ta nakakagibo siya nin mga milagro?

Mateo 22:46

Mayo nin nakasimbag saiya ni sarong tataramon; poon kaidto mayo nang nangahas na maghapot saiya.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”

Juan 7:46

Nagsimbag sinda, “Mayo pa lamang nin nakapagtaram arog saiya!”

Deuteronomio 18:17

Kaya nagtaram sako an Kagurangnan, ‘Tama an sinabi ninda.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.