Isaias 50:2 - Marahay na Bareta Biblia

² “Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 50:2 ပူးပေါင်းရင်းမြစ်များ

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

2 Mga Cronica 32:15

Kaya dai kamo magpadaya o magpadagka ki Ezekias sa siring na paagi. Dai kamo magtubod saiya, huli ta mayo pang dios nin arin man na nasyon o kahadean na nagligtas kan saiyang banwaan sa sakong kamot o sa kamot kan sakuyang mga ginikanan. Kaya dai man kamo ikakaligtas sa sakong mga kamot kan saindong dios!”

Salmo 106:9

Pinagbotan niya an Dagat na Pula, kaya ini nagin mamara. Pinangenotan niya sinda sa paglakaw sa kairaroman, na garo naglalakaw sa desyerto.

Salmo 107:33

Pinamara nin Kagurangnan an mga salog asin pinaontok sa pagbulos an mga burabod.

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Exodo 14:29

Alagad nagbaralyo sa dagat an mga Israelita na an linakawan iyo an mamarang daga, na nasa pagultanan kan duwang lanob nin tubig.

Exodo 7:18

Magkakagaradan an mga sira asin mabata an salog, kaya an mga Egipcio dai makakainom kan tubig kaini.’”

Exodo 7:21

Nagkagaradan an mga sira; buminata an salog mala ta an mga Egipcio dai nakainom kan tubig kaini. Nagkaigwa nin dugo sa bilog na daga nin Egipto.

Mga Talinhaga 1:24

Alagad huli ta habo kamong magdangog kan ako nag-apod asin mayo nin nagdolok kan iunat ko an sakong kamot;

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 19:5

Mahubas an tubig sa Salog nin Nilo, asin dikit-dikit na magmamara iyan.

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 36:20

Kasuarin ilinigtas kan arin man sa mga dios na ini an saindang daga sa kamot kan emperador? Ano kun siring ta nag-iisip kamong pwedeng iligtas nin Kagurangnan an Jerusalem?”

Isaias 41:28

Kan maghiling ako sa mga dios-dios mayo sinda nin ikinataram; mayo sainda nin nakasimbag kan sakong mga hapot.

Isaias 42:15

Raraoton ko an kabubuldan saka kabukidan asin papaalangon ko an mga doot saka kakahoyan. Gigibohon kong mga desyerto an mga salog asin papamarahon ko an mga sapa nin tubig.

Isaias 43:16

Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 44:27

Huli sa sarong pagboot pinaalang ko an dagat.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 54:6

Israel, nakakaarog ka sa sarong hoben na agom, na binayaan kan saiyang agom asin nagmomondo nin makuri. Alagad inaapod ka giraray nin Kagurangnan na nagsasabi:

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Isaias 59:16

Nahiling niya na maski saro mayo nin minatabang sa naaapi. Kaya gagamiton niya an sadiri niyang kapangyarihan sa pagligtas sa mga naaapi asin tanganing manggana siya.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Isaias 66:4

Kaya papadarahan ko sinda nin kapahamakan—an mga bagay mismo na saindang kinakatakotan—huli ta mayo nin nagsimbag kan ako mag-apod, o naghinanyog kan ako magtaram. Pinili ninda an pagsombikal sako asin an paggibo nin maraot.”

Jeremias 14:9

Tadaw ta arog ka sa sarong tawong namongnan, arog sa sarong soldados na dai kayang tumabang? Alagad ika, O Kagurangnan, uya sa samong kaibahan! Kami an banwaan mo; dai mo kami pagbayaan.’”

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:27

“Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 6:27

Nagliligtas siya, naggigibo nin mga ngangalasan asin mga milagro sa langit saka sa daga. Ilinigtas niya si Daniel sa kapangyarihan kan mga leon.”

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Habakkuk 3:8

An mga salog daw an dahelan kan pagkaanggot mo, Kagurangnan? An dagat daw an dahelan kan saimong labi-labing kaanggotan? Naglunad ka sa mga panganoron; an panganoron nin bagyo an saimong karwahe, kan darahan mo nin kapangganahan an saimong banwaan.

Mga Bilang 11:23

Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Markos 4:39

Nagbangon si Jesus, sinaway an doros dangan sinabihan an dagat, “Magtoninong ka! Ontok!” Nagtoninong an doros saka nagkalma.

Juan 1:11

Nag-abot siya sa sadiri niyang banwa, alagad dai siya inako kan mga tawong sadiri niya.

Juan 3:19

Arog kaini an paagi kan paghukom; nagdigdi an ilaw sa kinaban, alagad orog na namotan kan tawo an kadikloman ki sa liwanag, huli ta maraot an mga gibo ninda.

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.