Isaias 50:11 - Marahay na Bareta Biblia

¹¹ Kamo gabos na nagpaplano nin karatan para sa iba mapapahamak kan saindo man sanang plano. An Kagurangnan mismo an magibo kaiyan; magtitios kamo nin makuring kasakitan.

Isaias 50:11 ပူးပေါင်းရင်းမြစ်များ

Salmo 16:4

An mga nagpili nin ibang dios nagdadara nin dakul na kasakitan sa sainda man sana. Dai ako maiba sa saindang mga pagsakripisyo; dai ako masamba sa saindang mga dios.

Salmo 32:10

Kadakul an titioson kan mga maraot, alagad an danay na pagkamoot nakapalibot sa mga tawong nagsasarig sa Kagurangnan.

Mga Talinhaga 26:18

An tawong nandadaya dangan minasabing nagsusuba sana siya, nakakaarog sa bua-bua na nagkakawat nin armas na nakakagadan.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Ezekiel 20:39

Ini an tataramon nin Kagurangnan Dios: “Kamong mga Israelita, kun boot nindo, lakaw asin paglingkodan nindo an saindong mga dios-dios! Alagad pinapatanidan ko kamo na pakatapos kaiyan, kaipuhan kuyogon nindo ako asin ontokon nindo an pagdigta sa banal kong ngaran sa paagi nin pagdolot nin mga atang sa saindong mga dios-dios.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Amos 4:9

“Nagpadara ako nin makuring init tanganing maalang an saindong mga tinanom. Kinakan kan mga doron an saindong mga tinanom saka ubasan, an saindong mga kahoy na higera saka oliba, alagad dai man giraray kamo nagbalik sa sako.

Jonas 2:8

An mga nagsasamba sa mayong halagang mga ladawan dai nagin tunay na maimbod saimo.

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

Mateo 22:13

Dangan sinabihan kan hade an mga katabang, ‘Gaposon nindo an saiyang kamot asin bitis dangan iapon siya sa kadikloman sa luwas. Duman magtatangis siya asin magraragot an saiyang mga ngipon.’”

Mateo 8:12

Alagad an mga aki kan Kahadean, iaapon sa kadikloman sa luwas; duman magtatangis sinda asin magraragot an saindang mga ngipon.”

Juan 8:24

Kaya sinabi ko saindo na magagadan kamo sa saindong mga kasalan. Kun dai kamo magtubod na talagang ‘Ako Iyo Ako,’ magagadan kamo sa saindong mga kasalan.”

Juan 9:39

Nagsabi si Jesus, “Nagdigdi ako sa kinaban sa paghukom, tanganing makahiling an mga buta asin mabuta an mga nakakahiling.”

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.