Isaias 50:1 - Marahay na Bareta Biblia

¹ Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 50:1 ပူးပေါင်းရင်းမြစ်များ

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Nehemias 5:5

An samong rasa pareho man kan rasa kan kapwa mi Judio; an samong mga aki pareho man kan saindang mga aki. Alagad napipiritan kaming ipaoripon an samong mga aki. An nagkapira ming aking babae ipinabakal na bilang mga oripon. Mayo kaming magiginibo kaini huli ta kinua na kan iba an samong mga oma saka mga ubasan.”

Esther 7:4

Ako asin an sakong mga kahimanwa ipinabakal tanganing gadanon. Kun kami ipinabakal sana nganing magin oripon, dai na ako naggirong, huli ta an samong kasakitan dai pwedeng ipantay sa kapurisawan kan hade; alagad madali na kaming gadanon—puhoon!”

Salmo 44:12

Baratong ipinabakal mo an sadiri mong banwaan, na garo mayo nin halaga asin pakinabang.

Exodo 21:7

“Kun ipabakal kan ama an saiyang aking babae tanganing magin oripon, dai siya matatalingkasan na arog kan mga lalaking oripon.

Isaias 1:28

Alagad sarabay na roronoton nin Kagurangnan an mga rebelde saka an mga makasalan asin an mga nagtalikod saiya magkakagaradan.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 43:27

Nagkasala an naenot mong ginikanan; nagkasala tumang sako an saimong mga lider,

Isaias 46:8

“Giromdoma nindo ini, kamo na mga parakasala; isipa nindo an sakong ginibo.

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Isaias 54:6

Israel, nakakaarog ka sa sarong hoben na agom, na binayaan kan saiyang agom asin nagmomondo nin makuri. Alagad inaapod ka giraray nin Kagurangnan na nagsasabi:

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Jeremias 4:18

Juda, ika man sana an nagpadusa sa saimong sadiri huli kan saimong pamumuhay asin gibo. Iyo na ini an saimong kataposan, asin ini mapait; tuminadom ini sa saimong puso.

Oseas 4:5

Aldaw-banggi, mayo kamong gibong matanos; an mga propeta siring man saindo. Raraoton ko an Israel, an saindong ina.

Levitico 25:39

“Kun an kapwa nindo Israelita na nag-eerok sa harani nindo magin dukha, asin ipabakal saindo an saiyang sadiri bilang oripon, dai nindo siya pagpalingkodon na arog sa sarong oripon.

Mateo 18:25

An sorogoon na ini mayong ibabayad, kaya nagboot an hade na ipabakal siya kaiba an saiyang pamilya saka an gabos niyang rogaring tanganing mabayadan an utang.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.