Isaias 5:8 - Marahay na Bareta Biblia

⁸ Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Isaias 5:8 ပူးပေါင်းရင်းမြစ်များ

An Libro ni Job 15:28

“Siya an tawo na nagsakop nin mga syudad asin nagkamkam nin mga harong na binayaan kan saindang kagsadiri, alagad an gera an marumpag kan mga iyan.

An Libro ni Job 20:21

Mayong natatada pakatapos niyang magkakan; kaya an saiyang kauswagan dai magdadanay.

Mga Talinhaga 15:27

An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Ezekiel 11:15

“Aki nin tawo, ika an pinag-oorolayan kan mga tawo na nag-eerok sa Jerusalem asin kan kapwa mo Israelita na nasa pagkatapokan. An olay ninda, ‘An mga itinapok harayong marahay tanganing magsamba sa Kagurangnan. An dagang ini itinao na niya sato bilang pagsadiri.’

Ezekiel 33:24

“Aki nin tawo, an mga nag-eerok sa mga rumpag na syudad kan daga nin Israel nagsasarabi: ‘Saro sana si Abraham alagad itinao saiya an bilog na daga. Ngunyan mas dakul na kita, kaya satuya na an daga.’

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Habakkuk 2:6

Oolog-ologon kan mga nasakop na banwaan an mga nagsakop sainda asin papahilingan kan saindang pagkauyam. Masabi sinda, “Nangungua kamo kan bako saindo, alagad herak man saindo! Sagkod nuarin kamo magpapayaman huli sa pagpirit kan mga nagkautang saindo na magbayad na?”

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (