Isaias 5:7 - Marahay na Bareta Biblia

⁷ An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 5:7 ပူးပေါင်းရင်းမြစ်များ

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

2 Samuel 7:10

Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

An Libro ni Job 34:28

Sinda an nagin dahelan kan pag-agrangay sa Dios kan mga dukha, asin nadangog niya an inagrangay kan mga nasasakitan.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 149:4

Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

Salmo 80:15

an banwaan na itinanom kan saimong kamot, pinatalubo sagkod na pumusog.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Awit nin mga Awit 7:6

Magayon ka nin marahay, O namomotan; an itinatao kan saimong pagkamoot bilog na kaogmahan.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 1:6

Magpoon sa bitis sagkod sa payo, mayo nin kaginhawahan, kundi mga bakros saka mga gatok asin nagdudugong mga lugad; dai nagkahurugasan o nabugkosan, o nalahidan nin lana.

Isaias 27:2

Sa aldaw na iyan, masabi an Kagurangnan dapit sa saiyang nawiwilihan na ubasan,

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 3:17

papadusahan ko sinda— aarisan ko an saindang mga payo asin magdadanay sindang siring.”

Isaias 30:12

Alagad iyo ini an sinasabi kan banal na Dios nin Israel, “Dai nindo pinapahalagahan an sinasabi ko saindo asin nananarig kamo sa dahas saka sa daya.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 59:14

Inaalaw an hustisya, asin dai nakakadolok an katanosan. An katotoohan napapadungkal sa plasa, asin dai nakakakua nin lugar duman an pagkaonesto.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Isaias 62:5

Siring sa sarong hoben na lalaking minaagom nin sarong birhen, aagomon ka kan naglalang saimo. Siring na naoogma an lalaki sa saiyang agom, maoogma man an Dios sa saimo.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 24:2

An sarong basket igwa nin laog na mararahay na higera, na enot na naghirinog; an saro pang basket igwa nin laog na ralapang higera, na dai pwedeng kakanon huli ta nalapa nang marahay.

Jeremias 50:46

Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Juan 15:2

Pinuputol niya sa sako an lambang sanga na dai nagbubunga; tinatakrasan niya an lambang sanga na nagbubunga tanganing orog na magdakul an bunga.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.