Isaias 5:30 - Marahay na Bareta Biblia

³⁰ Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 5:30 ပူးပေါင်းရင်းမြစ်များ

Parahulit 12:2

Sa panahon na iyan, an liwanag kan aldaw, kan bulan, saka kan mga bitoon magigin kadikloman para saindo, asin an mga maitom na panganoron dai mapapara.

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 13:4

Dangoga an ribok sa kabukidan—an ribok nin kadakul na tawo, nin mga nasyon asin mga kahadean na nagtitiripon. Inaandam kan Kagurangnan nin mga hukbo an saiyang hukbo sa pakilaban.

Isaias 17:12

Nagkakariribok an mga mapangyaring nasyon; an ribok ninda arog sa hagubohob kan dagat, arog sa hampak nin dakulang mga alon.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 59:9

Nagsabi an mga tawo, “Ngunyan aram mi na kun tadaw ta dai kami iliniligtas nin Dios sa mga nang-aapi samo. Naghahanap kami nin liwanag alagad kadikloman an samong nakukua.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Jeremias 6:23

Kapot na ninda an saindang mga pana saka mga espada; mga maringis sinda saka mayo nin pagkaherak. An saindang ribok kun sinda naglulunad sa mga kabayo garo an naghahagubohob na dagat. Nakaandam na sinda para sa gera laban sa Jerusalem.”

Mga Panambitan 3:2

Padagos na inalaw niya ako pasiring sa kadikloman

Ezekiel 26:3

“Kaya iyo ini an itinataram ko, an Kagurangnan Dios: Kalaban mo ako, syudad nin Tiro, asin dadarahon ko an dakul na nasyon tanganing salakayon ka. Maabot sinda siring sa mga alon kan dagat.

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Amos 5:18

Herak man saindo na mga nagmamawot na mag-abot na an aldaw nin Kagurangnan! Anong karahayan an itatao saindo kan aldaw na iyan? An aldaw na iyan magigin aldaw nin kadikloman asin bakong aldaw nin kaliwanagan.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Kapahayagan 6:12

Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;