Isaias 5:26 - Marahay na Bareta Biblia

²⁶ Aapodon nin Kagurangnan an sarong harayong nasyon. Sisiwitan niya iyan sa mga poro kan kinaban, asin madatong tolos iyan!

Isaias 5:26 ပူးပေါင်းရင်းမြစ်များ

Salmo 60:4

Pinatanidan mo an mga may pagkatakot saimo, tanganing makadulag sa pana kan kaiwal.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 11:12

Iiitaas nin Kagurangnan an sarong bandera tanganing ipahiling sa mga nasyon na titiponon niya giraray an nawarak na banwaan nin Israel saka Juda dangan ibabalik niya sinda hale sa apat na poro kan daga.

Isaias 13:2

Iitaas mo an tanda sa ibabaw kan sarong bulod na mayo nin anoman na nagtatalubo! Kurahawan mo an mga soldados dangan iitaas mo an saimong kamot bilang tanda sa sainda tanganing salakayon an mapaabaw-abaw na syudad.

Isaias 13:3

Pinaluwas na nin Kagurangnan an saiyang mapaabaw-abaw saka makokosog na mga soldados tanganing makilaban sa sarong banal na gera asin padusahan an saiyang mga naaanggotan.

Isaias 13:4

Dangoga an ribok sa kabukidan—an ribok nin kadakul na tawo, nin mga nasyon asin mga kahadean na nagtitiripon. Inaandam kan Kagurangnan nin mga hukbo an saiyang hukbo sa pakilaban.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Isaias 31:9

Huli sa takot, madulag an saindang hade, asin babayaan kan mga opisyal an saindang mga banderang panggera huli sa makuring pagkatakot.” An Kagurangnan an nagtaram—an Kagurangnan na sinasamba sa Jerusalem asin an saiyang kalayo naglalaad duman para sa mga sakripisyo.

Isaias 39:3

Dangan nagduman an propetang si Isaias ki Hadeng Ezekias asin naghapot, “Saen hale an mga lalaking ini? Ano an sinabi ninda saimo?” Nagsimbag si Ezekias, “Hale sinda sa harayong nasyon, sa Babilonia.”

Isaias 7:18

“Pag-abot kan panahon na iyan, masiwit an Kagurangnan bilang sarong tanda para sa mga Egipcio tanganing magdirigdi sinda siring sa mga langaw hale sa pinakaharayong mga sanga kan Salog nin Nilo, asin para sa mga Asiro tanganing magdirigdi sinda hale sa saindang daga siring sa mga putakti.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Joel 2:7

Minasalakay sindang arog sa mga parapakigera; minasakat sinda sa mga kudal arog sa mga soldados. An lambang saro sainda deretsong minamartsa, dai nagbabago nin direksyon

Habakkuk 1:8

“An saindang mga kabayo orog pang marikas ki sa mga leopardo, mas maringis pa ki sa gutom na mga lobo. An saindang mga parakabayo nag-aarabot hale sa harayong mga lugar; sa rikas kan saindang pangangabayo, garo sinda mga agilang naglalayog pasiring sa saindang biktima.

Zacarias 10:8

“Aapodon ko an sakong banwaan asin titiponon. Ililigtas ko sinda dangan papadakulon siring kaidto.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.