Isaias 5:25 - Marahay na Bareta Biblia

²⁵ Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 5:25 ပူးပေါင်းရင်းမြစ်များ

1 Mga Hade 14:11

An siisay man na kaayon sa saimong pamilya na magadan sa syudad, kakakanon kan mga ayam, asin an magadan sa kahiwasan kakakanon kan mga bwitre. Ako, an Kagurangnan, an nagtaram!’”

1 Mga Hade 16:4

An siisay man sa saimong pamilya na magadan sa syudad kakakanon kan mga ayam, asin an siisay man na magadan sa oma kakakanon kan mga bwitre.”

1 Mga Hade 21:24

An siisay man sa saimong mga kadugo na magadan sa syudad kakakanon kan mga ayam, asin an magadan sa kalangtadan kakakanon kan mga bwitre.” (

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

An Libro ni Job 9:13

Danay an saiyang kaanggotan. Rinonot niya an saiyang mga kaiwal na nagtabang ki Rahab, an impakto na nagtumang saiya.

Salmo 106:40

Kaya naglaad an kaanggotan nin Dios sa saiyang banwaan; asin nabaldi sa saiyang pamana.

Salmo 114:7

Magtakig ka, O daga, sa atubang nin Kagurangnan, sa atubang kan Dios ni Jacob,

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Salmo 68:8

naglinog an daga, nag-uran an kalangitan sa presensya nin Dios; naglinog an Sinai sa presensya nin Dios, an Dios nin Israel.

Salmo 77:18

An ribok kan saimong daguldol yaon sa buhawi; an saimong kikilat nag-ilaw sa kinaban; an daga naglinog asin tinakigan.

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 83:10

Dinaog mo sinda duman sa Endor, asin an saindang mga bangkay nalapa sa daga.

Exodo 7:19

Nagtaram an Kagurangnan ki Moises, “Sabihan mo si Aaron na kuahon an saiyang sugkod asin unaton an saiyang kamot sa tangod kan katubigan kan Egipto, sa ibabaw kan saindang mga salog, kanal asin sapa. An tubig magigin dugo; magkakaigwa nin dugo sa bilog na daga sagkod sa mga tapayan asin batya.”

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 14:19

alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 25:11

Uunaton ninda an saindang mga kamot na garo naghihingowang maglangoy, alagad sosopogon sinda nin Dios, asin mag-iirarom an saindang mga kamot.

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 42:25

Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Isaias 64:3

Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Isaias 66:24

“Mantang naghahale sinda, mahihiling ninda an mga bangkay kan mga tawong nagrebelde tumang sako. An mga ulod na nagkakakan sainda dai magagadan, asin an kalayong nagsusulo sainda dai nanggad mapapalsok. An tanawon na iyan ikakauyam kan bilog na katawohan.

Isaias 9:11

Kaya an Kagurangnan nagbugtak nin mga kaiwal tanganing salakayon sinda.

Isaias 9:16

Linagalag an mga tawo kan mga lider asin nagkariribong sinda.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:20

Saen man na lugar inaagaw dangan kinakakan kan mga tawo an anoman na pagkakan na saindang makua, alagad dai sinda nababasog. Maski an sadiri nindang mga aki, saindang kinakakan!

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 4:24

Hiniling ko an kabukidan—nagkokonogkonog an mga ini, asin an gabos na kabubuldan garong naglilinog.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 6:12

An saindang mga harong itatao sa iba, siring man an saindang mga oma saka mga agom na babae. Papadusahan ko an mga nag-eerok sa dagang ini.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Jeremias 9:22

Nagwararak maski saen an mga bangkay, na garo mga tambak nin ati sa kaomahan, na garo mga paroy na inasyab kan mga paraani dangan binayaan na mayo nin minatipon. Ini an ipinapataram sako nin Kagurangnan.”

Mga Panambitan 5:22

O totoo mananggad na isinikwal mo na kami sagkod lamang? Mayo na daw nin kasagkoran an saimong kaanggotan?

Ezekiel 15:6

Kaya ini an tataramon nin Kagurangnan Dios: “Siring na an sarong balagon kinukua sa kadlagan dangan sinusulo, siring man kukuahon ko an mga nag-eerok sa Jerusalem

Ezekiel 30:25

Papaluyahon ko siya asin papakosogon ko an hade nin Babilonia. Kun itao ko na sa hade nin Babilonia an sakuyang espada dangan ibingat na niya iyan sa Egipto, maaraman kan gabos na ako an Kagurangnan.

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Daniel 9:16

Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Amos 8:8

Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Nahum 1:5

Minalinog an kabukidan sa atubangan nin Kagurangnan; natutunaw an kabubuldan. Kun minatunga an Kagurangnan tinatakigan an kinaban; minakubogkubog an daga asin an mga tawong nag-eerok diyan.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Deuteronomio 31:18

Dai ako matabang sainda huli ta naggibo sinda nin maraot dangan sinamba ninda an mga dios-dios.

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.