Isaias 5:23 - Marahay na Bareta Biblia

²³ Alagad pinapatalingkas ninda an mga may kasalan huli sa suhol, asin inoolang ninda an mga mayong sala sa pagkamit nin katanosan!

Isaias 5:23 ပူးပေါင်းရင်းမြစ်များ

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

2 Mga Cronica 19:7

Kaya magkaigwa kamo nin takot sa Kagurangnan asin isipon nindo nin marahay an saindong ginigibo, huli ta an Kagurangnan na satuyang Dios dai nagbibiko nin hustisya, mayong kinikilingan asin dai nag-aako nin suhol.”

Salmo 94:21

na nagmamawot nin maraot tumang sa mga matanos na tawo asin minakondenar sa kagadanan sa mga mayo nin kasalan?

Mga Talinhaga 17:15

An minaoyon sa tampalasan asin an minapadusa sa matanos parehong ikinakaongis nin Kagurangnan.

Mga Talinhaga 17:23

An maraot na hukom hilom na minaako nin suhol, dangan binibiko niya an hustisya.

Mga Talinhaga 24:24

Kun pawaraan niya nin sala an may kasalan, mamaldisyonon asin ikakaongis siya kan mga tawo.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 10:1

Herak man saindo na nagpapaluwas nin bakong matanos na mga pagboot; mga pagboot na minaapi sa sakong banwaan.

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 29:21

Gagadanon nin Dios an mga nagpapakaraot sa iba, an mga nag-oolang na mapadusahan an mga kriminal, asin an mga nagpuputik tanganing dai makakua nin hustisya an matanos na tawo.

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.