Isaias 5:22 - Marahay na Bareta Biblia

²² Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Isaias 5:22 ပူးပေါင်းရင်းမြစ်များ

1 Mga Hade 20:16

An pagsalakay pinoonan pagkaodto mantang si Ben-hadad saka an treynta y dos niyang kaalyansa nagbuburat sa saindang mga tolda.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Mga Talinhaga 23:29

Siisay an may kamondoan asin an may pagbasol? Siisay an may kaiwal saka an may kahaditan? Siisay an may mga matang namumula?

Mga Talinhaga 31:4

Lemuel, an mga hade dai dapat na mag-inom nin arak, ni magmawot nin makosog na inomon.

Mga Talinhaga 31:5

Kun sinda nabuburat, nalilingawan ninda an katogonan asin napapabayaan an deretso kan mga mayong sukat.

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Isaias 24:9

Mayo nang maogmang karantahan sa irinoman; mayo nang naoogma sa namit kan arak.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 5:11

Herak man sa mga amay minabangon sa pagkaaga tanganing hanapon an irinoman, sagkod sa kamatangaan nin banggi, sagkod na sinda magkabururat!

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Habakkuk 2:15

Herak man saindo na nagsopog kan saindong mga kapwa sa saindong kaanggotan; pinapasayasay nindo sinda na garo mga burat.