Isaias 5:20 - Marahay na Bareta Biblia

²⁰ Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Isaias 5:20 ပူးပေါင်းရင်းမြစ်များ

An Libro ni Job 17:12

Alagad an sakong mga katood nagsasabi na an banggi, aldaw; na madali nang magliwanag, alagad aram kong padagos akong nasa kadikloman.

Exodo 23:7

Dai ka magtugod-tugod; dai mo paggadanon an tawong mayong sala asin matanos, huli ta dai ko paliligtason an may sala.

Mga Talinhaga 17:15

An minaoyon sa tampalasan asin an minapadusa sa matanos parehong ikinakaongis nin Kagurangnan.

Mga Talinhaga 4:17

Huli ta kinakakan ninda an tinapay nin karatan asin ininom an arak nin kadahasan.

Isaias 24:9

Mayo nang maogmang karantahan sa irinoman; mayo nang naoogma sa namit kan arak.

Isaias 29:21

Gagadanon nin Dios an mga nagpapakaraot sa iba, an mga nag-oolang na mapadusahan an mga kriminal, asin an mga nagpuputik tanganing dai makakua nin hustisya an matanos na tawo.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Isaias 32:5

An sarong lolong dai na igagalang, asin an sarong maraot na tawo dai na aapodon na matanos.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Habakkuk 1:4

Maluya saka mayong kamugtakan an katogonan, kaya dai nangyayari an hustisya. Napapalibotan kan mga tampalasan an mga matanos kaya nabibiko an hustisya.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Malakias 3:15

Sosog sa samong nahihiling, an mapalangkaw iyo an mga paladan. Bako sanang nag-uuswag an mga maraot na tawo kundi binabalo pa ninda an Dios sa paggibo ninda kan mga maraot asin dai sinda napapadusahan.’”

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.