Isaias 5:2 - Marahay na Bareta Biblia

² Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 5:2 ပူးပေါင်းရင်းမြစ်များ

2 Samuel 7:10

Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

Nehemias 13:15

Kan mga aldaw na idto, nakahiling ako nin mga tawo na nagtatrabaho sa pugaan nin ubas sa aldaw na Sabbath. An iba nagdadara nin mga trigo, arak, ubas, higera, asin iba pang mga bagay na ilinulunad ninda sa mga asno dangan dinadara sa Jerusalem. Pinatanidan ko sinda na dai magpabakal nin anoman kun Sabbath.

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Salmo 80:9

Saimong hinawanan an lugar na tataluboan; kaya nakagamot asin nakalakop sa daga an ubasan.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Isaias 1:8

An Jerusalem binayaan arog sa sarong harong-harong sa ubasan, siring sa sarong sirongan sa tatamnan nin melon, arog sa syudad na sinasalakay.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Mikas 4:8

Ika, Jerusalem, iyo an lugar saen an Dios, arog sa sarong pastor sa bantayan, nagmamasid kan saiyang banwaan. Ika iyo man giraray an magigin pangenot na syudad kan kahadean na sadiri mo kaidto.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Mateo 21:19

Nakahiling siya nin kahoy na higera sa gilid kan tinampo kaya dinolok niya idto. Alagad mayo siyang nahiling na bunga kundi mga dahon sana. Kaya minaldisyon niya idto, “Dai ka na mamumunga sagkod lamang!” Naalang tolos an kahoy na higera.

Mateo 21:33

“Dangoga nindo an saro pang parabola,” an sabi ni Jesus. “Igwa nin sarong kagsadiri nin daga na nagtanom sa saiyang ubasan; kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Mateo 21:34

Pag-abot kan tiggunoan, sinugo niya an saiyang mga sorogoon nganing kuahon an kahirasan niya.

Markos 11:13

Natanawan niya sa enotan an sarong madahon na kahoy na higera. Hiniling niya kun may bunga, alagad poro dahon sana ta bako pang tigbungahan.

Markos 12:1

Dangan nagtaram si Jesus sainda sa paagi nin mga parabola, “Igwa nin sarong tawo na nagtanom nin ubas sa saiyang ubasan, kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Markos 12:2

Pag-abot kan tiggunoan kan ubas, sinugo niya an saro niyang sorogoon sa saiyang mga tumatawo tanganing kuahon sainda an kahirasan.

Roma 9:4

Sinda an mga Israelita; ginibo niya sindang mga aki niya asin ipinahayag sainda an saiyang kamurawayan. Nakipagtipan siya sainda; itinao niya sainda an Katogonan. Yaon sainda an tunay na pagsamba; inako ninda an mga panuga nin Dios.

1 Corinto 9:7

Siisay an soldados na iyo mismo an nagbabayad kan sadiri niyang gasto sa hukbo? Siisay an paratanom na dai nagkakakan kan ubas sa sadiri niyang ubasan? Siisay an pastor na dai nagkikinabang kan gatas na hale sa sadiri niyang karnero?

Deuteronomio 32:6

Arog kaini an pagbalos nindo sa Kagurangnan, kamo na sarong lolong asin mayong isip na banwaan? Siya an saindong ama, saindong Kaglalang, an nagpatindog saindo bilang sarong banwaan.

Hukom 16:4

Pakatapos kaini, namoot si Samson sa sarong babaeng an ngaran Delila duman sa Kapantayan nin Sorek.