Isaias 5:19 - Marahay na Bareta Biblia

¹⁹ na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 5:19 ပူးပေါင်းရင်းမြစ်များ

Isaias 30:11

Humale kamo sa samong agihan asin dai nindo pag-olangon an samong dalan. Habo ming madangog an dapit sa saindong banal na Dios nin Israel.”

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Jeremias 17:15

Nagsabi sako an banwaan, “Haen an mga patakot kan Kagurangnan laban samo? Gibohon na niya iyan ngunyan!”

Jeremias 23:18

Nagsabi ako, “Mayong saro sa mga propetang ini nin nakaaram kan hilom na mga kaisipan nin Kagurangnan. Mayo sainda nin nakadangog ni nakasabot kan saiyang mensahe, o naghinanyog saka nagpahalaga kan saiyang tataramon.

Jeremias 23:36

Kaya dai na nanggad nindo paggamiton an mga tataramon na ‘an pasanon nin Kagurangnan’, huli ta kun may maggamit kaiyan, gigibohon kong magin totoong pasanon niya an sakong mensahe. Biniko kan mga tawo an mga tataramon kan saindang Dios, an Dios na buhay, an Kagurangnan nin mga hukbo.

Jeremias 36:23

Pakabasa ni Jehudi nin tolo o apat na raya, pinutol kan hade an kabtang na idto sa paagi nin sarong kutsilyo asin itinapok sa kalayo. Siring kaiyan an ginibo niya sagkod na nasulo an bilog na kasuratan.

Ezekiel 12:22

“Aki nin tawo, tadaw ta inuulit-ulit kan mga taga Israel an talinhagang ini: ‘Nag-aagi an mga aldaw asin dai man nagkakatotoo an lambang bisyon’?

Ezekiel 12:27

“Aki nin tawo, naghohona an mga Israelita na an saimong mga bisyon saka mga propesiya ipinapanongod mo sa harayo pang panahon.

Oseas 10:3

Dai mahahaloy, magsasabi an mga tawong ini, “Mayo kami nin hade huli ta dai kami natakot sa Kagurangnan. Alagad ano an magigibo nin sarong hade para sa samo?”

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”