Isaias 5:15 - Marahay na Bareta Biblia

¹⁵ An gabos na tawo sosopogon, asin ibababa an mga mapaabaw-abaw.

Isaias 5:15 ပူးပေါင်းရင်းမြစ်များ

2 Samuel 22:28

Ilinigtas mo an mga mapakumbaba, alagad an mga mata mo yaon sa mga mapaabaw-abaw tanganing sinda saimong ibaba.

Salmo 131:1

Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Exodo 9:17

Alagad mapaabaw-abaw ka pa sagkod ngunyan asin habo mo pang tugotan na humale an sakong banwaan.

Mga Talinhaga 30:13

Igwa nin mga tawo na mapaabaw-abaw—naghohona sinda na sinda marahay.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:33

Ihuhulog sinda kan Kagurangnan nin mga hukbo siring sa mga sangang pinurutol sa sarong kahoy. An pinakamapaabaw-abaw saka pinakamapalangkaw sainda pupulakon asin sosopogon.

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:9

Kaya sosopogon asin ibababa an katawohan— hare sinda pagpatawada, Kagurangnan!

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”