Isaias 5:13 - Marahay na Bareta Biblia

¹³ Kaya dadarahon kamo sa harayo bilang mga bilanggo. Magagadan an saindong mga lider huli sa gutom, asin an ordinaryong mga tawo sa paha.

Isaias 5:13 ပူးပေါင်းရင်းမြစ်များ

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 1:7

Rinaot an saimong daga, sinurulo an saimong mga syudad; sa atubang mo sinamsam nin mga dayuhan an saimong daga; rinaot ninda an gabos.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.

Isaias 3:3

an mga opisyal nin hukbo saka an mga lalaking ginagalangan, an mga parahatol saka an mga salamangkero asin an mga paralumay.

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”

Isaias 49:21

Dangan magsasaboot kang, ‘Siisay an nangaki kan gabos na ini para sako? Nagkagaradan na an sakong mga aki asin dai na ako pwedeng mangaki. Itinapok ako asin isinubol sa harayo— siisay an nagpadakula kan kaakian na ini? Ako na sana an natada— saen naghale an mga aki na ini?’”

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 14:3

Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.

Jeremias 8:7

Maski an lapay nakakaaram kun nuarin siya dapat magbalik; an agbaan, an balinsayawan saka an talaod nakakaaram kan tamang panahon nin pagbago nin erokan. Alagad, kamong sakong banwaan, dai nindo naaaraman an sakong mga pagboot.

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Ezekiel 7:12

Nagdadangadang na an panahon. Harani na an aldaw na dai na magkakaigwa nin kahulogan an pagbakal ni an pagpabakal, huli ta an kaanggotan nin Dios maabot sa gabos.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Amos 8:13

Sa aldaw na iyan, maski an makokosog na hoben na mga lalaki saka babae, madidismayo huli sa paha.

Lukas 19:44

Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

2 Pedro 3:5

Talagang tinutuyo nindang dai pahalagahan an katotoohan, na huli sa tataramon nin Dios kaidto, nalalang an langit asin an daga. An daga nahaman hale sa tubig asin huli sa tubig.