Isaias 5:12 - Marahay na Bareta Biblia

¹² Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Isaias 5:12 ပူးပေါင်းရင်းမြစ်များ

Genesis 31:27

Tano ta dinaya mo ako asin naghale ka na daing paisi? Kun sinabihan mo ako, kutana dinespedir ko kamo na may kaogmahan asin karantahan, sa tanog nin tamborin saka arpa.

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

An Libro ni Job 34:27

huli ta nag-ontok sinda sa pagsunod saiya, asin dai sinda nagkuyog kan gabos niyang pagboot.

Salmo 28:5

Buta sinda sa mga gibo nin Kagurangnan, sa mga gibo nin saiyang mga kamot; kaya rurumpagon niya sinda asin dai na papatindogon sagkod pa man.

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Isaias 24:8

asin an maogmang tugtog sa saindang mga arpa saka lira dai na nadadangog.

Isaias 29:1

Herak man sa altar nin Dios, an mismong Jerusalem! Herak man sa syudad na pinagkampohan ni David! Palihisa pa nindo an saro o duwang taon, kaiba an pyesta saka mga pag-oogma,

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Ezekiel 26:13

Oontokon ko an saimong mga awit, asin dai na madadangog an tanog kan saimong mga lira.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Lukas 16:19

“Igwa kaidto nin sarong mayaman. Mga mamahalon an gubing niya asin masisiram an mga kinakakan aroaldaw.

1 Corinto 14:7

Kun an mga instrumento sa musika na mayo man nin buhay, arog baga kan plawta saka arpa, bakong malinaw na nota an tinutugtog, paanong maaaraman kun ano an tinutugtog?

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.