Isaias 5:11 - Marahay na Bareta Biblia

¹¹ Herak man sa mga amay minabangon sa pagkaaga tanganing hanapon an irinoman, sagkod sa kamatangaan nin banggi, sagkod na sinda magkabururat!

Isaias 5:11 ပူးပေါင်းရင်းမြစ်များ

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Mga Talinhaga 23:32

Huli ta pagkaaga mamamatean mong garo ka kinagat nin mararang halas.

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Isaias 24:9

Mayo nang maogmang karantahan sa irinoman; mayo nang naoogma sa namit kan arak.

Isaias 28:1

Herak man sa kahadean nin Israel! Nawawara na an saiyang kamurawayan siring sa korona nin burak sa payo kan burat niyang mga lider. Mahahamot an mga payo kan saiyang mga burat na lider, alagad naghihirigda na sinda na mayo nin pakaisi sa kaburatan.

Isaias 28:3

Titimaktimakan an kapaabaw-abawan kan burat na mga lider,

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Habakkuk 2:15

Herak man saindo na nagsopog kan saindong mga kapwa sa saindong kaanggotan; pinapasayasay nindo sinda na garo mga burat.

Habakkuk 2:5

Madaya an kayamanan. Mapalangkaw an mga tawong paslo saka dai napapamugtak—siring sa kagadanan na dai nababasog. Iyan an dahelan kun tano ta sinasakop ninda an mga nasyon.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Roma 13:13

Mamuhay kitang matanos bilang mga tawong namumuhay sa liwanag; dai ta pagsayangon an oras nyato sa sobrang pag-orogma o irinoman, kapasloan o karigsokan, iriwal o ororihan.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.