Isaias 5:10 - Marahay na Bareta Biblia

¹⁰ An sampolong ektaryang ubasan makukuahan sana nin walong letro nin arak, asin an syento otsentang litrong banhi mabunga sana nin dyes y otsong litrong mais.”

Isaias 5:10 ပူးပေါင်းရင်းမြစ်များ

Exodo 37:22

An mga bukol, an mga sanga saka an kandelero ginibo niya sa saro sanang pedaso nin pinulpog na bulawan.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Joel 1:17

An mga banhi nagkakagaradan sa alang na daga. Mayo na nin trigong sasarayon, kaya nagkararaot an mga harong-harong na mayo nin laog.

Levitico 26:26

Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Levitico 27:16

Kun an idinusay sa Kagurangnan sarong parte kan saiyang daga, pepresyohan iyan kan padi sosog sa kadakulan kan banhi na itinatanom diyan; an beynteng kilo nin banhi babayadan nin sampolong pedaso nin plata.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Hageo 2:16

nagduman kamo sa tinambak na trigo sa paghona na makakakua kamo nin beynteng takad, alagad sampolo sana an idtoon duman. Nagduman kamo sa laogan nin arak sa pagharok nin singkwentang galon, alagad beynte sana an idtoon duman.

Deuteronomio 28:38

“Dakul na banhi an itatanom nindo alagad kadikit sana an saindong aanihon, huli ta kakakanon kan mga doron an saindong mga tinanom.

Deuteronomio 28:39

Matanom kamo asin maataman nin mga ubas, alagad dai kamo makakakua nin bunga o makakainom nin arak hale diyan, huli ta kakakanon kan mga ulod an mga balagon.