Isaias 5:1 - Marahay na Bareta Biblia

¹ Pagdangog mantang inaawit ko an awit na ini, sarong awit manongod sa sakong katood asin sa saiyang ubasan: Igwang ubasan an sakong katood sa sarong matubang na bulod.

Isaias 5:1 ပူးပေါင်းရင်းမြစ်များ

Salmo 101:1

Aawiton ko an pagkamaimbod asin an katanosan; aawiton ko saimo, Kagurangnan.

Salmo 45:1

Pano nin magagayon na tataramon, an sakong isip, mantang ginigibo ko an awit na ini para sa hade. Siring sa pluma nin sarong marahay na parasurat, an sakong dila andam sa pagsabi nin sarong tula.

Salmo 60:5

Huli kan saimong kosog, kami saimong ligtasan; simbaga an samong pamibi, tanganing makaligtas an banwaan na saimong namomotan.

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Awit nin mga Awit 2:16

Sadiri ko an sakong namomotan, asin ako sadiri niya. Pinapasabsab niya an saiyang mga hayop sa tahaw kan mga lirio

Awit nin mga Awit 5:16

An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Awit nin mga Awit 6:3

Sadiri ako kan sakong namomotan, asin siya sadiri ko; pinapasabsab niya an saiyang mga hayop sa tahaw nin mga lirio.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Ezekiel 15:2

“Aki nin tawo, paano makakabaing an sarong balagon sa sarong kahoy? Ano an halaga kan sarong sanga nin ubas kun ibaing sa mga kahoy sa kadlagan?

Ezekiel 19:10

An saimong ina arog sa sarong tinanom na ubas, na itinanom sa tampi nin sapa. Huli ta dakul an tubig, an tinanom nagin madahon saka mabunga.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Mateo 21:33

“Dangoga nindo an saro pang parabola,” an sabi ni Jesus. “Igwa nin sarong kagsadiri nin daga na nagtanom sa saiyang ubasan; kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Markos 12:1

Dangan nagtaram si Jesus sainda sa paagi nin mga parabola, “Igwa nin sarong tawo na nagtanom nin ubas sa saiyang ubasan, kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Lukas 20:9

Dangan nag-osipon si Jesus sa mga tawo kan parabolang ini, “May sarong tawong nagtanom sa saiyang ubasan, ipinaataman iyan sa mga tumatawo, dangan nagduman sa ibang lugar asin haloy na nagbalik.

Juan 15:1

“Ako an tunay na poon nin ubas; an sakong Ama an paraataman.

Deuteronomio 8:10

Magkakaigwa kamo duman kan gabos na gusto nindong kakanon, asin magpapasalamat kamo sa Kagurangnan na saindong Dios huli sa marahay na daga na itinao niya saindo.

Deuteronomio 8:7

Dadarahon kamo nin Kagurangnan na saindong Dios sa sarong marahay na daga—daga na igwa nin mga salog, mga sapa asin mga burabod na minabulos sa mga kapantayan saka kabubuldan;