Isaias 49:4 - Marahay na Bareta Biblia

⁴ Alagad nagsabi ako, “Mayong pakinabang an sakong kapagalan! Mayo na akong kosog, alagad mayo man akong naginibohan.” Alagad totoong nasa Kagurangnan an sakong katanosan, asin nasa Dios an sakong balos.

Isaias 49:4 ပူးပေါင်းရင်းမြစ်များ

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 40:10

Nagdadangadang an Kagurangnan Dios asin mapangyari siyang maghahade, nagdadangadang na kaiba an mga tawong saiyang ilinigtas.

Isaias 40:27

Israel, tadaw ta nagrereklamo ka na dai aram nin Kagurangnan an saimong kasakitan o dai siya nagmamakulog kun ika nagtitios nin inhustisya?

Isaias 57:21

Mayo nin kaligtasan para sa mga parakasala,” an sabi kan Kagurangnan.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 62:11

na an Kagurangnan nagpapahayag sa bilog na kinaban: “Sabihi nindo an banwaan nin Jerusalem na an Kagurangnan madatong tanganing iligtas siya, kaibahan niya an ilinigtas niyang mga tawo.”

Isaias 65:2

Danay akong andam sa pag-ako kan sakong banwaan, an mga tawong padagos sa paggibo nin maraot asin sa paglakaw sa sadiri nindang dalan.

Isaias 65:23

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Ezekiel 3:19

Alagad kun patanidan mo an maraot na tawo alagad dai siya magtalikod sa saiyang karatan, magagadan siya sa saiyang kasalan, asin ikakaligtas mo an saimong buhay.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Mateo 17:17

Nagsimbag si Jesus, “Mga tawong mayo nin pagtubod asin masombikal! Sagkod nuarin ako kaibaiba nindo? Sagkod nuarin ko kamo pagtitioson? Daraha digdi sako an aki!”

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Lukas 24:26

Bakong kaipuhan na magtios ngona an Cristo kan mga bagay na ini bago siya maglaog sa saiyang kamurawayan?”

Juan 1:11

Nag-abot siya sa sadiri niyang banwa, alagad dai siya inako kan mga tawong sadiri niya.

Roma 10:21

Alagad dapit sa mga taga Israel, ini an sinasabi ni Isaias, “Maghapon akong naghalat sa pag-abot kan nasyon na matagas an payo saka matumang sako.”

2 Corinto 12:15

Ikakaogma kong uboson an gabos kong pagsadiri, sagkod na idusay an buhay ko, tanganing matabangan ko an saindong kalag. Magluya daw logod an pagkamoot nindo sako huli ta orog ko kamong namomotan?

2 Corinto 2:15

Huli ta kami an mahamot na insenso na idinolot ni Cristo sa Dios, na napaparong kan mga iliniligtas asin kan mga napapahamak.

Galacia 4:11

Natatakot ako na tibaad sayang lamang an sakong trabaho para saindo.

Filipos 2:16

mantang dinadara nindo sainda an tataramon nin buhay, tanganing sa Aldaw kan pagbalik ni Cristo, ikakapag-orgulyo ko na an gabos kong kapagalan saka trabaho dai nasayang.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.