Isaias 49:25 - Marahay na Bareta Biblia

²⁵ Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 49:25 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 5:29

An saindang mga soldados minaungal na garo mga leon na nakagadan nin sarong hayop dangan dinadara ini sa lugar na mayo nin makakaagaw kaiyan sainda.

Isaias 51:14

Madali nang talingkasan an mga bilanggo; mabubuhay sinda sa halawig na panahon asin dai magkukulang an saindang pagkakan.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Jeremias 15:21

Ililigtas taka sa kamot kan maraot saka madahas na mga tawo. Ako, an Kagurangnan, an nagtaram.”

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Jeremias 31:11

Tinubos ko an banwaan nin Israel asin ilinigtas sa kamot kan sarong mapangyaring nasyon.

Levitico 25:54

Kun dai pa siya makatalingkas huli sa mga nasambit na paagi, papatalingkason siya asin an saiyang mga aki sa masunod na Taon nin Katalingkasan.

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.

Markos 3:27

“Mayong makakasalakat sa harong kan makosog na tawo kun dai ngona niya gaposon ini. Kun magapos na niya, saka pa sana niya masasamsaman an harong.

Galacia 4:26

Alagad an langitnon na Jerusalem talingkas asin iyan an satong ina.

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!