Isaias 49:13 - Marahay na Bareta Biblia

¹³ Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 49:13 ပူးပေါင်းရင်းမြစ်များ

1 Mga Cronica 16:31

Mag-ogma an langit, mag-ogma an daga! Sabihan nindo an gabos na nasyon, “Na naghahade an Kagurangnan!”

Salmo 148:9

Omawon nindo siya, mga bulod asin mga bukid, mga kahoy na nagbubunga asin mga sedro;

Salmo 65:13

Natatahoban nin mga karnero an kaomahan; napapano nin trigo an mga kapantayan. An gabos nagkukurahaw asin nag-aawit sa kaogmahan.

Salmo 69:34

Omawon siya kan daga asin kalangitan, kan mga dagat asin kan gabos na yaon diyan.

Salmo 71:21

Dudugangan mo an sakuyang kaomawan, asin rarangahon mo ako giraray.

Salmo 89:13

Mapangyari an saimong takyag, Kagurangnan; an saimong kosog dai mapapantayan.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:14

Alagad nagsabi an mga taga Jerusalem, “Pinabayaan na kita nin Kagurangnan! Nalingawan na niya kita!”

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Jeremias 31:13

Dangan masayaw sa kaogmahan an mga daraga, asin an kalalakihan, hoben saka gurang, mag-oogma. Rarangahon ko sinda asin an saindang kamondoan magigin kaogmahan, an saindang kasakitan magigin kagayagayahan.

Jeremias 51:48

Dangan an langit saka an daga, asin an gabos na yaon diyan, mag-aawit sa kaogmahan sa panahon na an Babilonia bumagsak sa kamot kan mga magaba saiya hale sa amihan.

Ezekiel 35:14

Ini an itinataram nin Kagurangnan Dios, “Gigibohon takang mamondo nin makuri tanganing an bilog na kinaban mag-ogma sa saimong pagbagsak,

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.