Isaias 49:11 - Marahay na Bareta Biblia

¹¹ “Magibo ako nin tinampo sa kabukidan asin maandam ako nin dalan na aagihan kan sakong banwaan.

Isaias 49:11 ပူးပေါင်းရင်းမြစ်များ

Salmo 107:4

May nagkaralagalag sa desyerto, mayong nakuang dalan pasiring sa sarong syudad na maeerokan.

Salmo 107:7

Pinangenotan niya sinda sa sarong tanos na dalan, pasiring sa sarong syudad na saindang maeerokan.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 19:23

Pag-abot kan panahon na iyan, magkakaigwa nin sarong tinampo hale sa Egipto pasiring sa Asiria. An mga taga Asiria madalaw sa Egipto, asin an mga taga Egipto madalaw sa Asiria; an duwang nasyon na ini sabay na magsasamba.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Isaias 57:14

Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.