Isaias 49:1 - Marahay na Bareta Biblia

¹ Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Isaias 49:1 ပူးပေါင်းရင်းမြစ်များ

Salmo 22:10

Nagsarig ako saimo poon kan ako namundag; ika na an sakong Dios poon pa sa tulak nin sakong ina.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 24:15

mantang an mga nasa sirangan mag-oomaw saiya. Mag-oomaw sa Kagurangnan, an Dios nin Israel, an mga nag-eerok sa baybayon.

Isaias 33:13

Pagdangog kamo na mga nasa harani asin nasa harayong lugar, kun ano an sakong ginibo, asin akoon nindo na mapangyari ako.”

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 42:12

Magtao nin pag-omaw saka kamurawayan sa Kagurangnan an mga nag-eerok sa harayong mga daga!

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 44:24

“Ako an Kagurangnan, an saimong paraligtas; ako an naglalang saimo. Ako an Kagurangnan, an Kaglalang kan gabos na bagay. Ako sanang saro an nag-unat kan kalangitan; kan gibohon ko an kinaban mayo sakong nagtabang.

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Isaias 45:3

An mga kayamanan hale sa madiklom saka tagong mga lugar itatao ko saimo, dangan maaaraman mo na ako an Kagurangnan, asin na inapod ka sa saimong ngaran kan Dios nin Israel.

Isaias 46:3

“Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Isaias 49:12

Maabot an sakong banwaan hale sa harayong lugar, hale sa amihan saka sa solnopan, asin hale sa Aswan sa habagat.”

Isaias 49:5

Bago ako namundag pinili na ako nin Kagurangnan; ginibo akong sorogoon niya nganing ibalik an mga nagkawararak na tawo nin Israel. Tinatawan ako nin kaomawan kan Kagurangnan; an sakong kosog saiya minagikan.

Isaias 51:5

Madatong tolos ako sa pagligtas sainda; harani na an panahon nin sakong kapangganahan. Ako mismo an masakop sa mga nasyon. Hinahalat kan hararayong daga an sakong pagdatong; may paglaom na naghahalat sinda sako nganing iligtas ko sinda.

Isaias 52:13

Nagsasabi an Kagurangnan, “Mag-uuswag an sakong sorogoon sa saiyang gibo; ilalangkaw siya asin gagalangan.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 1:5

“Pinili ko na ika bago taka hinaman sa tulak kan saimong ina, asin kinonsagra taka na bago ka namundag; pinili takang magin propeta nin mga nasyon.”

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Lukas 1:31

Mangingidam ka asin mangangaki nin lalaki; Jesus an ingangaran mo saiya.

Juan 10:36

Pinili ako kan Ama asin sinugo digdi sa kinaban. Paanong makapagsabi kamong naglalanghad ako sa Dios sa pagsabi kong Aki ako nin Dios?

Galacia 1:15

Alagad, pinili ako nin Dios bago pa ako namundag, asin inapod niya ako huli kan saiyang biyaya. Kan binoot na niyang

Efeso 2:17

Kaya nagdigdi si Cristo asin naghulit kan Marahay na Bareta nin katoninongan sa gabos. Naghulit siya saindo na mga pagano, na kaidto harayo sa Dios, saka sa mga Judio, na harani saiya.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

1 Pedro 1:20

Dati na siyang pinili nin Dios bago pa lalangon an kinaban; ngunyan ipinahayag siya sa huring mga aldaw na ini dahel saindo.