Isaias 48:3 - Marahay na Bareta Biblia

³ Nagsasabi an Kagurangnan sa Israel, “Kaidtong panahon hinulaan ko an mangyayari; dangan sa madali, pinangyari ko iyan.

Isaias 48:3 ပူးပေါင်းရင်းမြစ်များ

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 37:7

Gigibohon nin Kagurangnan na makadangog an emperador nin Asiria nin sarong huringhuding na makakapabalik saiya sa sadiri niyang daga, asin duman siya ipapagadan nin Kagurangnan.”

Isaias 41:22

Madya kamo digdi asin isabi nindo an mangyayari, tanganing mamidbid nyato iyan kun mangyari na. Ipaliwanag nindo sa hukoman an mga pangyayari kan nakaaging panahon, dangan sabihi kami kun ano an saindang kahulogan.

Isaias 41:27

Ako, an Kagurangnan, an enot na nagbareta sa Sion; igwa ako nin sinugo sa Jerusalem nganing magsabing, ‘Nagdadangadang an saimong banwaan! Mapuruli na sinda sa saindang harong!’

Isaias 42:9

Nagkatotoo na an mga bagay na sakong itinaram. Ngunyan sasabihan taka kan dapit sa bagong mga bagay maski dai pa ini nangyayari.”

Isaias 43:9

Apoda an mga nasyon nganing mag-atubang sa hukoman. Arin sa saindang mga dios-dios an nakakaaram kan maabot na panahon? Arin sainda an naghula kan nangyayari ngunyan? Padarahan sa mga dios-dios na ini an saindang mga saksi tanganing magpatotoo na tama sinda, tanganing magsabi na totoo an saindang mga tataramon.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Josue 21:45

Inotob nin Kagurangnan an lambang saro kan saiyang mga panuga sa banwaan nin Israel.