Isaias 48:21 - Marahay na Bareta Biblia

²¹ Kan pangenotan nin Kagurangnan an saiyang banwaan sa sarong mainit asin mamarang desyerto, dai sinda nagtios nin paha. Pinaluwas niya an tubig sa gapo para sainda; binanga niya an gapo, asin nagbulos an tubig.

Isaias 48:21 ပူးပေါင်းရင်းမြစ်များ

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Nehemias 9:20

Sa saimong pagkamarahayon tinukdoan mo sinda; pinakakan mo sinda nin manna asin tinawan mo nin tubig na inomon.

Salmo 105:41

Binuksan niya an sarong gapo, asin nagbulos an tubig, garo salog na nagbulos sa desyerto.

Salmo 74:15

Pinabulos mo an mga sapa saka burabod; pinamara mo an mga darakulang salog.

Salmo 78:15

Binanga niya an mga gapo sa kalangtadan dangan tinawan sinda nin tubig hale sa kairaroman.

Salmo 78:16

Hale sa gapo, pinaluwas niya an burabod, dangan pinabulos an tubig siring sa sarong salog.

Salmo 78:20

Totoo nanggad na binadulan niya an gapo asin nagbulos an tubig na garo burabod, alagad pwede daw niyang tawan nin tinapay saka karne an saiyang banwaan?”

Exodo 17:6

Duman sa Bukid nin Sinai, matindog ako sa ibabaw nin sarong gapo sa atubangan nindo. Pakolon mo an gapo, asin maluwas duman an tubig na iinomon kan mga tawo.” Ginibo ini ni Moises sa atubangan kan mga lider nin Israel.

Isaias 30:25

Sa aldaw na masakop an mga bantayan kan saindong mga kaiwal saka magkagaradan an saindang mga tawohan, mabulos an burabod nin tubig hale sa lambang bukid saka bulod.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Mga Bilang 20:11

Pakasabi kaini, itinaas ni Moises an sugkod dangan binadolan nin duwang beses an gapo. Luminuwas an kadakul na tubig; nag-inom an gabos na tawo saka hayop.