Isaias 48:19 - Marahay na Bareta Biblia

¹⁹ Siring kutana kadakul sa baybay kan dagat an saindong kapagarakian, asin dai nanggad sinda mapupuho o matutunaw sa sakong atubang.”

Isaias 48:19 ပူးပေါင်းရင်းမြစ်များ

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

An Libro ni Job 5:25

Magkakaigwa ka nin kadakul na aki, na siring kadakul kan mga dahon nin mga doot sa pasabsaban.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Salmo 9:5

Sinagwe mo an mga nasyon, rinonot mo an mga maraot; pinara mo an saindang ngaran sagkod lamang.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 14:22

“Sasalakayon ko an Babilon,” an sabi nin Kagurangnan nin mga hukbo, “asin rurumpagon ko iyan. Dai ako matada nin anoman—maski kaakian, mayo nanggad nin matatada. Ako, an Kagurangnan, an nagtaram.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 44:4

Matalubo sinda siring sa mga doot na dai nagkukulang sa tubig, siring sa mga kahoy sa tampi kan nagbubulos na tubig.

Isaias 48:9

“Huli sa sakong ngaran pinugol ko an sakong kaanggotan, huli sa sakong kaomawan pinugol ko iyan para saindo; pinugol ko iyan tanganing dai ko kamo mapuho.

Isaias 54:3

Huli ta papadakulaon mo an saimong daga sa gabos na direksyon; makukua giraray kan saimong namamanwaan an daga na sinakop kan ibang nasyon. Mapapano nin tawo an mga syudad na mayo nin nag-eerok ngunyan.

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Isaias 66:22

“Siring na an bagong kalangitan saka an bagong kinaban magdadanay huli sa sakong kapangyarihan, magdadanay man an saindong mga kapagarakian saka ngaran.

Isaias 9:14

Kaya papadusahan nin Kagurangnan an mga lider saka an banwaan nin Israel sa saro sanang aldaw; pupuhoon niya sinda, payo sagkod ikog.

Jeremias 33:22

Papadakulon ko an mga kapagarakian ni David na sakong sorogoon saka an mga Levita arog sa dai mabilang na mga bitoon asin sa dai mabilang na baybay kan dagat.”

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Sofonias 1:4

“Papadusahan ko an mga namamanwaan sa Jerusalem asin sa Juda. Raraoton ko an natatadang tanda kan pagsamba ki Baal duman, asin mayo nang makakagiromdom kan mga paganong padi na naglilingkod saiya.

Roma 9:27

Alagad dapit sa mga Israelita, nagsabi si Isaias, “Dawa pa magdakul siring sa baybay kan dagat an kapagarakian ni Israel, dikit sana sainda an makakaligtas,

Deuteronomio 9:14

Hare ako pagpugola. Tutunawon ko sinda tanganing mayo nang makagiromdom sainda. Dangan ika an gigibohon kong ama nin sarong nasyon na mas dakula asin mapangyari ki sa sainda.’

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”

Ruth 4:10

Siring man, magigin agom ko si Ruth, an Moabitang balo ni Malon tanganing an pagrogaring danay na masadirihan kan pamilya kan nagadan, asin dai mapara an saiyang ngaran sa linya kan saiyang mga tugang sagkod sa saiyang banwaan. Mga saksi kamo ngunyan.”