Isaias 48:17 - Marahay na Bareta Biblia

¹⁷ An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Isaias 48:17 ပူးပေါင်းရင်းမြစ်များ

Genesis 24:48

Pakatapos, nagduko ako asin nagsamba sa Kagurangnan. Inomaw ko an Kagurangnan, an Dios kan sakong kagurangnan na si Abraham, na nangenot sako pasiring sa mga kadugo kan sakong kagurangnan saen nakua ko an magigin agom kan saiyang aki.

1 Mga Hade 8:36

hinanyoga sinda hale sa langit, saka patawada an mga kasalan kan hade asin kan banwaan nin Israel; tukdoan mo sinda sa paggibo nin matanos. Dangan, O Kagurangnan, tawe nin uran an saimong daga, an daga na itinao mo sa saimong banwaan bilang pamana.

An Libro ni Job 36:22

“An Dios ilinangkaw sa saiyang kapangyarihan; siisay na paratukdo an makakaarog saiya?

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 32:8

Nagtaram an Kagurangnan, “Itutukdo ko saimo an dalan na saimong lalakawan; babantayan taka asin huhulitan.

Salmo 71:17

O Dios, poon kan ako aki pa tinukdoan mo na ako, asin padagos na ipagbabantog ko an makangangalas mong mga gibo.

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Isaias 2:3

asin dakul na banwaan an maarabot saka magsasarabi: “Madya, magturukad kita sa bukid nin Kagurangnan sa harong kan Dios ni Jacob tanganing matukdoan niya kita kan saiyang mga paagi asin tanganing maglakaw kita sa saiyang mga dalan. Huli ta maluwas sa Sion an Katogonan, asin sa Jerusalem an tataramon nin Kagurangnan.”

Isaias 28:9

Nagrereklamo sinda dapit sako. Nagsasabi sinda, “Siisay sa paghona kan tawong iyan an saiyang tinutukdoan? Siisay an nangangaipo kan saiyang mensahe? An mensahe niya marahay sana para sa mga aking bago pa sanang butason!

Isaias 30:20

Papaagihon kamo nin Kagurangnan sa mga masakit na panahon, alagad tutukdoan niya kamo sa panahon na iyan, asin dai na kaipuhan na hanapon pa nindo siya.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 43:14

An banal na Dios nin Israel, an Kagurangnan na nagliligtas saindo, nagsasabi, “Sa pagligtas saindo, mapadara ako nin hukbo laban sa Babilon; gagabaon ko an trangkahan kan syudad, asin an mga kinurahaw kan saiyang namamanwaan magigin pagtangis.

Isaias 43:16

Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 45:11

An Kagurangnan, an banal na Dios nin Israel, an nagtataong direksyon sa maabot pang panahon, nagsasabi: “Mayo kamong deretso na maghapot sako dapit sa sakong mga aki o magsabi sako kan dapat kong gibohon!

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.

Efeso 4:21

Nakadangog na kamo dapit saiya; bilang mga parasunod niya, tinukdoan na kamo kan mga katotoohan na yaon ki Jesus.

Josue 3:4

Dai pa kamo nakadigdi kaidto, kaya sinda an matukdo saindo kan dalan. Alagad dai kamo magrani sa Kaban nin Tipan; magpahuri kamo nin mga sarong kilometro.”