Isaias 48:1 - Marahay na Bareta Biblia

¹ Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 48:1 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 35:10

asin tinaraman, “Jacob an ngaran mo, alagad poon ngunyan aapodon ka nang Israel.” Kaya nagin Israel an saiyang ngaran.

2 Mga Hade 17:34

Sagkod ngunyan ipinapadagos ninda an daan na mga gawe ninda. Dai ninda sinamba an Kagurangnan, ni kinukuyog an mga katogonan saka pagboot na itinao niya sa mga kapagarakian ni Jacob, na nginaranan niyang Israel.

2 Mga Hade 5:20

nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 68:26

“Pag-omawon an Dios sa katiriponan nin saiyang banwaan; kamong kapagarakian ni Jacob, omawon nindo an Kagurangnan!”

Salmo 68:27

Sa enotan si Benjamin, an pinakasadit sa tribu, dangan an mga lider ni Juda saka an saindang pag-iriba, kasunod an mga lider ni Zabulon saka ni Neftali.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Mga Talinhaga 5:16

Mayo nin ikakataong karahayan saimo an mga aki sa bako mong tunay na agom.

Isaias 26:13

O Kagurangnan na samong Dios, pinaghadean kami nin iba pwera saimo, alagad ika sana an samong Kagurangnan.

Isaias 44:5

“Saro-sarong masabi an mga tawo, ‘Sadiri ako kan Kagurangnan.’ Madatong sinda nganing mag-apil sa banwaan nin Israel. Mamarkahan kan lambang saro an saiyang takyag kan ngaran nin Kagurangnan dangan aapodon niya an saiyang sadiri na kaayon sa banwaan nin Dios.”

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 44:26

Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Levitico 19:12

Dai kamo magsumpa sa ngaran ko kun dai man sana nindo iyan ootobon; nagdadara iyan nin kasosopgan sa sakong ngaran. Ako an Kagurangnan na saindong Dios.

Mikas 2:7

Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mga Bilang 24:7

Magkakaigwa sinda nin abundang uran. Asin itatanom ninda an saindang banhi sa matubig na kaomahan! An saindang hade magigin mas makosog ki Agag, Asin an kahadean ninda ilalangkaw.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Juan 4:24

An Dios Espiritu, kaya an mga nagsasamba saiya dapat na magsamba sa espiritu asin sa katotoohan.”

Roma 2:17

Sinasabi mong saro kang Judio, nananarig ka sa Katogonan ni Moises saka ipinag-oorgulyo mo an relasyon mo sa Dios.

Roma 9:6

Alagad dai ko sinasabi na an panuga nin Dios dai naotob; huli ta bakong gabos na gikan ki Israel kabilang sa banwaan nin Dios.

Roma 9:8

Ini nangangahulogan na bakong an mga aki sa laman an mga aki nin Dios; kundi an mga aking namundag sosog sa panuga, iyo an ibinibilang na tunay na kapagarakian.

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.

Deuteronomio 5:28

“Kan nadangog ini nin Kagurangnan, nagtaram siya sako, ‘Nadangog ko an sinabi kan mga tawong ini, asin tama sinda.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

1 Timoteo 4:2

An mga katukdoan na iyan pinalalakop kan mga putikon, na an konsyensya garo minarkahan nin nagbabagang lansang.

Kapahayagan 2:9

Aram ko an saimong mga kasakitan; aram ko na ika dukha—alagad sa katunayan mayaman ka! Aram ko an mga pakaraot saimo kan mga nagsasabi na sinda mga Judio, na bako man totoo, kundi sa katunayan sarong sinagoga ni Satanas!

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.