Isaias 47:9 - Marahay na Bareta Biblia

⁹ Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Isaias 47:9 ပူးပေါင်းရင်းမြစ်များ

Salmo 73:19

Tolos sinda nagkagaradan; mangirhat an saindang nagin kataposan.

Isaias 13:16

An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 21:9

Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 47:11

Maabot saimo an kapahamakan, asin an saimong salamangka dai makakapugol kaiyan. Sa madali, maabot saimo an karatan— karatan na dai lamang nag-abot sa isip mo!

Jeremias 15:9

Nanluya an ina na nawaraan nin pitong aki asin nadismayo siya. Nagin madiklom para saiya an liwanag; sinopog siya asin hinalean nin onra. Tutugotan ko an saindong mga kaiwal na gadanon an natatadang buhay pa saindo. Ako, an Kagurangnan, an nagtaram.”

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 4:7

Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.

Daniel 5:30

Kan banggi man sanang idto ginadan si Belsazzar, an hade nin Babilonia;

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Nahum 3:4

Pinapadusahan an Nineve, an maraot na babae. Mapandagka asin pano nin nakakagadan na gayuma; linumay niya an mga nasyon asin ginibong mga oripon.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.

Ruth 1:20

“Dai nindo ako pag-apodon Naomi,” an simbag niya. “Apodon nindo akong Mara huli ta an sakong buhay ginibong mapait kan Makakamhan na Dios.

Ruth 1:5

nagadan man si Malon saka si Chilion, kaya si Naomi an nawalat kan saiyang agom asin duwang aki.