Isaias 46:3 - Marahay na Bareta Biblia

³ “Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Isaias 46:3 ပူးပေါင်းရင်းမြစ်များ

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Salmo 71:6

Sa saimo ako nagsandig poon kan sakong pagkamundag; sinurog mo poon sa tulak nin sakong ina. Ika danay kong oomawon.

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 10:20

Maabot an panahon na an mga tawong natada sa Israel dai na mananarig sa nasyon na kadikit nang magpuho sainda, kundi sa Kagurangnan, an Banal nin Israel, sa bilog na katotoohan.

Isaias 10:21

An kadikit na matatada kan mga taga Israel mabalik sa saindang makakamhan na Dios.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Isaias 4:3

An gabos na natada sa Jerusalem, na mga pinili nin Dios tanganing matadang buhay, aapodon banal.

Isaias 44:21

Nagsasabi an Kagurangnan, “Israel, giromdoma ini; giromdoma na sorogoon taka. Linalang taka nganing magin sorogoon ko, asin dai ko nanggad ika lilingawan.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 51:7

“Pagdangog kamo, kamo na nakakaaram kan katanosan, kamo na an nasa puso iyo an sakong katogonan. Dai kamo matakot kun pagtuya-tuyaon asin pag-olog-ologon kamo nin katawohan;

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Deuteronomio 1:31

asin sa kalangtadan. Nahiling nindo kun paano niya kamo dinara sa lugar na ini, siring sa pagdara nin sarong ama sa saiyang aki.’