Isaias 46:2 - Marahay na Bareta Biblia

² Dai ikinakaligtas kan mga ladawan an saindang sadiri; sinakop sinda saka binihag. Iyo ini an kataposan kan mga dios-dios nin Babilon!

Isaias 46:2 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 37:12

Rinaot kan sakong mga ginikanan an mga syudad nin Gozan, Haran, saka Rezep, dangan ginaradan ninda an mga taga Eden na nag-erok sa Tel-asar; mayo ni saro sa saindang dios an nagligtas sa sainda.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 44:17

An natada na kahoy ginigibo niyang sarong ladawan, dangan minaluhod dangan minasamba kaiyan. Pinapamibian niya iyan asin minasabi, “Ika an sakong dios—ligtasan ako!”

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Jeremias 51:47

Kaya maabot an panahon na papadusahan ko an mga dios-dios nin Babilonia. Mapapasopog an bilog na nasyon saka magagadan an gabos na namamanwaan niya.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Hukom 18:24

Nagsimbag si Micas, “Tano ta naghahapot kamo kun ano an nangyari sako? Kinua nindo an sakong padi asin mga dios-dios na ginibo ko dangan nagharale kamo! Ano pa an natada sako?”

1 Samuel 5:3

Amay pa kan sunod na aldaw, nahiling kan mga taga Asdod na an estatwa ni Dagon nakadapa sa daga, sa atubangan kan Kaban nin Tipan nin Kagurangnan. Kaya binuhat ninda an estatwa asin ibinalik sa dating namumugtakan.