Isaias 46:12 - Marahay na Bareta Biblia

¹² “Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 46:12 ပူးပေါင်းရင်းမြစ်များ

Salmo 119:150

Naghaharani an mga naglalamag sako, mga tawong harayo sa saimong katogonan.

Salmo 119:155

Harayo sa mga maraot an kaligtasan, huli ta dai ninda hinahanap an saimong mga katogonan.

Salmo 49:1

Dangoga nindo ini, kamo gabos na banwaan! Himatea nindo, gabos na tawo sa kinaban,

Salmo 76:5

An maiisog nindang soldados binawian kan saindang sinamsam, asin ngunyan nagkakatorog sa kagadanan; gabos nindang kosog asin kahusayan mayo nin kamugtakan.

Isaias 28:14

Kaya dangoga nindo an tataramon nin Kagurangnan, kamong mga paratuyatuyang namamayo kan banwaan digdi sa Jerusalem.

Isaias 28:23

Dangoga nindo ako; hinanyoga nindo an sinasabi ko saindo.

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Isaias 46:3

“Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 59:14

Inaalaw an hustisya, asin dai nakakadolok an katanosan. An katotoohan napapadungkal sa plasa, asin dai nakakakua nin lugar duman an pagkaonesto.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 9:9

An gabos na tawo sa Israel, an gabos na nag-eerok sa syudad nin Samaria, makakaaram na siya an naggibo kaini. Ngunyan mapaabaw-abaw asin mapalangkaw na nagsasabi sinda,

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Efeso 2:13

Alagad ngunyan, huli ki Jesu-Cristo, kamo na harayo kaidto, irinani huli sa dugo ni Cristo.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”