Isaias 45:5 - Marahay na Bareta Biblia

⁵ “Ako an Kagurangnan; pwera sako mayo na nin ibang Dios. Tatawan taka kan kosog na kaipuhan mo, maski dai mo pa ako namimidbidan.

Isaias 45:5 ပူးပေါင်းရင်းမြစ်များ

1 Mga Hade 8:60

tanganing maaraman kan gabos na nasyon sa kinaban na an Kagurangnan iyo sana an Dios; mayo na nin iba.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

An Libro ni Job 12:18

Hinahale niya sa trono an mga hade dangan ginigibo sindang mga bilanggo;

An Libro ni Job 12:21

Sinosopog niya an mga may katongdan asin hinahale an mga kosog kan mga pamayo.

Salmo 18:31

Huli ta siisay an Dios kundi an Kagurangnan? Siisay an gapo kundi an satuyang Dios?

Salmo 18:32

Siya an Dios na minatao nin kosog sa sako, minapatiwasay kan sakong dalan.

Salmo 18:33

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

Salmo 18:39

Pinakosog mo ako sa pakikilaban; an mga kaiwal ko tinumba mo sa sakong pamitisan.

Salmo 86:10

Dakula ka asin naggigibo nin mga ngangalasan; ika sana nanggad an Dios.

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Isaias 22:21

Isusulot ko saiya an saimong gubing, asin ihahagkos ko saiya an saimong hagkos, dangan itatao ko saiya an gabos na awtoridad na yaon saimo. Siya magigin sarong garo ama para sa mga nag-eerok sa Jerusalem asin sa Juda.

Isaias 37:20

Kaya ngunyan, O Kagurangnan na samong Dios, ligtasan kami sa emperador nin Asiria, tanganing maaraman kan gabos na kahadean sa kinaban na ika nanggad sana an Kagurangnan.”

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 45:1

Pinili nin Kagurangnan si Ciro na magin hade. Pinili niya ini nganing sakopon an mga nasyon; sinusugo niya siya tanganing halean nin kapangyarihan an mga hade; bubukasan nin Kagurangnan an mga trangkahan nin mga syudad para saiya. Sinasabihan nin Kagurangnan si Ciro,

Isaias 45:6

Ginigibo ko ini tanganing an gabos magpoon sa sarong poro kan kinaban sagkod sa ibong na poro makaaram na ako an Kagurangnan asin pwera sako mayo na nin ibang dios.

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Isaias 47:8

“Dangoga ini, ika na mamomoton sa kaogmahan, na naghohonang ligtas ka saka matoninong. Sinasabi mong arog ka kadakula sa Dios— na mayong makakaarog sa saimo. Naghona kang dai ka nanggad mababalo o magagadanan nin mga aki.

Ezekiel 30:24

Dangan papakosogon ko an mga braso kan hade nin Babilonia asin itatao ko saiya an sakong espada. Alagad babarion ko an mga braso kan hade nin Egipto, asin maagrangay dangan magagadan sa atubangan kan saiyang kaiwal.

Joel 2:27

Dangan, Israel, maaaraman mo na yaon ako sa kaibahan mo, asin na ako, an Kagurangnan, iyo an saimong Dios saka mayo na nin iba. Dai na nanggad pagtutuyatuyaon an sakong banwaan.

Juan 1:1

Sa kapinonan iyo an Tataramon; an Tataramon kaibahan nin Dios, asin an Tataramon Dios.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.