Isaias 45:3 - Marahay na Bareta Biblia

³ An mga kayamanan hale sa madiklom saka tagong mga lugar itatao ko saimo, dangan maaaraman mo na ako an Kagurangnan, asin na inapod ka sa saimong ngaran kan Dios nin Israel.

Isaias 45:3 ပူးပေါင်းရင်းမြစ်များ

2 Mga Cronica 6:17

Kaya ngunyan, O Kagurangnan Dios nin Israel, patotoohan mo an saimong itinaram sa sakong ama na si David, na saimong sorogoon.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Exodo 33:12

Nagsabi si Moises sa Kagurangnan, “Totoo mananggad na sinabihan mo ako na pangenotan ko an mga tawong ini pasiring sa dagang idto, alagad dai mo ako tinaraman kun siisay an makakatabang ko. Nagsabi kang midbid mo ako asin nawiwilihan mo.

Exodo 33:17

Nagtaram an Kagurangnan ki Moises, “Gigibohon ko an sinabi mo, huli ta nawiwilihan taka asin midbid takang gayo.”

Isaias 41:23

Sabihi kami kun ano pa an mangyayari— dangan maaaraman mi na kamo mga dios! Maggibo kamo nin sarong bagay na marahay o maraot man nganing panluyahon kami asin pagtakigan!

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 48:15

Ako an nagtaram asin an nag-apod saiya; ako an nangenot asin an nagtao nin kapangganahan saiya.

Isaias 49:1

Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Jeremias 41:8

Alagad sampolo sa sainda an nagsabi ki Ismael, “Dai mo kami paggadanon! Igwa kami nin dakul na trigo, sebada, lana nin oliba, asin dugos na nakatago sa kaomahan.” Kaya dai niya sinda ginadan.

Jeremias 50:26

Salakayon nindo siya hale sa gabos na direksyon. Bukasan nindo an saiyang mga harong-harong; tambaka nindo an mga sinamsam arog sa mga tinambak na trigo! Raoton nindo an nasyon. Raoton nindo an gabos.

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Jeremias 51:53

Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”