Isaias 45:23 - Marahay na Bareta Biblia

²³ Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 45:23 ပူးပေါင်းရင်းမြစ်များ

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Salmo 132:2

Giromdoma, Kagurangnan, an saiyang sumpa, an panuga na ginibo niya saimo, Makakamhan na Dios ni Jacob.

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Salmo 98:2

Ipinahayag nin Kagurangnan an saiyang kapangganahan; ipinahiling niya sa mga nasyon an saiyang kapangyarihan sa pagligtas.

Isaias 21:17

An mga parapana nin Kedar iyo an pinakamaisog sa gabos, alagad dikit sana sa sainda an matatada. Ako, an Kagurangnan Dios nin Israel, an nagtaram.”

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Roma 11:4

Alagad ano an simbag saiya nin Dios? “Nagtada ako para sako nin pitong ribo katawo na dai nagsamba sa dios-dios na si Baal.”

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Filipos 2:10

Kaya sa ngaran ni Jesus, maluhod an gabos sa langit, sa daga saka sa irarom kan daga,