Isaias 45:21 - Marahay na Bareta Biblia

²¹ Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Isaias 45:21 ပူးပေါင်းရင်းမြစ်များ

Salmo 26:7

mantang nag-aawit nin kapasalamatan; asin nagpapahayag kan gabos mong ngangalasan.

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Salmo 96:10

Sabihan nindo an gabos na nasyon, “Hade an Kagurangnan! An kinaban, masarig na pinamugtak asin dai nanggad mahihiro; matanos niyang huhukoman an mga banwaan.”

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 41:26

Siisay saindo an nagsabi na mangyayari ini, tanganing masabi mi na tama siya? Mayo ni saro saindo na nagtaram dapit kaini; mayo man lamang nin nakadangog na kamo nagtaram!

Isaias 43:11

“Ako sana an Kagurangnan, asin pwera sako mayo na nin paraligtas.

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 43:9

Apoda an mga nasyon nganing mag-atubang sa hukoman. Arin sa saindang mga dios-dios an nakakaaram kan maabot na panahon? Arin sainda an naghula kan nangyayari ngunyan? Padarahan sa mga dios-dios na ini an saindang mga saksi tanganing magpatotoo na tama sinda, tanganing magsabi na totoo an saindang mga tataramon.

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Isaias 45:5

“Ako an Kagurangnan; pwera sako mayo na nin ibang Dios. Tatawan taka kan kosog na kaipuhan mo, maski dai mo pa ako namimidbidan.

Isaias 48:14

“Kamo gabos, pagtiripon asin paghinanyog! Maski saro sa mga dios-dios dai makakahula na an lalaking sakong pinili iyo an masalakay sa Babilon; gigibohon niya an sakong ipinapagibo.

Isaias 48:3

Nagsasabi an Kagurangnan sa Israel, “Kaidtong panahon hinulaan ko an mangyayari; dangan sa madali, pinangyari ko iyan.

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Zacarias 14:7

o kadikloman. Padagos na magkakaigwa nin liwanag maski sa pagkabanggi. An Kagurangnan sana an nakakaaram kun nuarin ini mangyayari.

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mga Gibo 15:18

Ini an sinasabi nin Kagurangnan, na nagpahayag kan mga bagay na ini haloy nang panahon.’