Isaias 45:11 - Marahay na Bareta Biblia

¹¹ An Kagurangnan, an banal na Dios nin Israel, an nagtataong direksyon sa maabot pang panahon, nagsasabi: “Mayo kamong deretso na maghapot sako dapit sa sakong mga aki o magsabi sako kan dapat kong gibohon!

Isaias 45:11 ပူးပေါင်းရင်းမြစ်များ

Genesis 32:26

Dangan nagsabi an lalaki, “Butasi ako, huli ta nagliliwanag na.” Nagsimbag si Jacob, “Dai taka bubutasan sagkod na dai mo ako bendisyonan.”

Isaias 19:25

Bebendisyonan sinda nin Kagurangnan nin mga hukbo asin masabi, “Bebendisyonan taka, Egipto, sakong banwaan; ika Asiria, na sakong linalang; asin ika, Israel, na sakong piniling banwaan.”

Isaias 29:23

Kun mahiling na nindo an mga aki na itatao ko saindo, aakoon nindo na ako an banal na Dios nin Israel. Gagalangan nindo ako asin magkakaigwa kamo nin pagkatakot sa sako.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 45:10

May nangahas na daw na maghapot sa saiyang mga magurang, “Tadaw ta siring kaini an pagkagibo nindo sako?”

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Ezekiel 36:37

Ini an itinataram nin Kagurangnan Dios, “An mga Israelita tutugotan ko giraray na maghagad sako nin tabang, asin papadakulon ko sinda sa bilang arog sa sarong ariponpon nin mga karnero.

Ezekiel 39:7

Ipapamidbid ko an banal kong ngaran sa banwaan nin Israel, asin dai ko tutugotan na madigtaan pa iyan. Dangan maaaraman kan mga nasyon na ako, an Kagurangnan, iyo an banal na Dios nin Israel.”

Daniel 2:18

Sinabihan niya sindang mamibi sa Dios nin langit dapit sa misteryong ini, tanganing dai sinda magadan kaiba kan mga parahatol sa Babilon.

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Oseas 12:4

nakilaban siya sa sarong anghel asin nanggana siya. Naghibi siya dangan nakimaherak na bendisyonan. Sa Betel, dinolok nin Dios an satong ginikanan na si Jacob asin nakiolay saiya.

Markos 11:24

Kaya sinasabihan ko kamo, na anoman an hagadon nindo sa pamibi, magtubod kamo na itatao saindo asin makakamtan nindo iyan.

2 Corinto 6:18

Ako an magigin ama nindo, kamo an magigin mga aki ko, olay kan Makakamhan na Kagurangnan.”

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Josue 10:12

Kan aldaw na itinao nin Kagurangnan sa mga Israelita an kapangganahan sa mga Amoreo, nakipag-olay si Josue sa Kagurangnan. Sa atubang kan mga Israelita nagsabi si Josue, “Aldaw, mag-ontok ka sa tangod kan Gibeon; Bulan, mag-ontok ka sa tangod kan Kapantayan nin Aijalon.”

Hukom 16:23

Nagtiripon an mga hade kan mga Filisteo tanganing mag-orogma asin tanganing magdolot nin dakul na tinutong na atang sa saindang dios na si Dagon. Nag-arawit sindang, “Itinao sato kan satong dios an kapangganahan laban sa satong kaiwal na si Samson!”