Isaias 44:9 - Marahay na Bareta Biblia

⁹ Mayo nin halaga an gabos na naggigibo nin ladawan, asin mayong pakinabang an mga dios-dios na saindang pinapahalagahan. An mga nagsasamba sa mga dios-dios na ini mga buta saka mayong naaaraman—asin mapapasopog sinda.

Isaias 44:9 ပူးပေါင်းရင်းမြစ်များ

2 Mga Hade 19:18

Sinulo ninda an mga dios kan mga nasyon na iyan huli ta bako man idto mga dios, kundi mga ladawan na gibo sa kahoy saka gapo na pinorma kan mga kamot nin tawo.

Salmo 115:4

An mga dios-dios ninda plata asin bulawan; gibo kan mga kamot nin katawohan.

Salmo 115:8

An naggibo sainda arog man sainda; siring man an gabos na minasarig sainda.

Salmo 135:18

An naggibo sainda magin arog logod sainda; siring man an gabos na minasarig sainda!

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 41:24

Kamo asin an gabos nindong gibo mayo nin halaga; makauuyam an mga nagsasamba saindo!

Isaias 41:29

Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Isaias 42:18

Nagsasabi an Kagurangnan, “Pagdangog kamo, mga tawong bongog! Pagmaan kamo nin marahay, kamo na mga buta!

Isaias 43:8

Nagsabi an Dios, “Paatubanga an sakong banwaan sa hukoman. Igwa sinda nin mga mata, alagad mga buta; mga bongog, maski igwang mga talinga!

Isaias 43:9

Apoda an mga nasyon nganing mag-atubang sa hukoman. Arin sa saindang mga dios-dios an nakakaaram kan maabot na panahon? Arin sainda an naghula kan nangyayari ngunyan? Padarahan sa mga dios-dios na ini an saindang mga saksi tanganing magpatotoo na tama sinda, tanganing magsabi na totoo an saindang mga tataramon.

Isaias 44:11

An lambang saro na nagsasamba kaiyan mapapasopog. An mga naggigibo nin mga ladawan mga tawo sana. Pabayae sindang magtipon saka mag-atubang sako—magkakatarakot sinda asin gabos sinda mapapasopog.

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Isaias 45:16

An mga naggigibo nin mga ladawan mapapasopog asin mawawaraan nin onra.

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Daniel 11:38

Mayo siya nin oomawon kundi an dios na nag-aataman kan mga bantayan. Madolot siya digdi nin mga bulawan, plata, alahas, asin mamahalon na regalo; dodolotan niya an sarong dios na dai nanggad sinamba kan saiyang mga ginikanan.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Roma 1:22

Nagsabi sindang mga madonong sinda, alagad sa katunayan sinda mga lolong.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

2 Corinto 4:4

Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

Efeso 4:18

mayo sinda nin pakasabot. Mayo sindang kabtang sa buhay na itinao nin Dios, huli kan saindang kamangmangan saka katagasan nin puso.

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 4:28

Sa mga nasyon na iyan, malingkod kamo sa mga dios-dios na kahoy saka gapo, mga gibo nin tawo, mga dios-dios na dai nakakahiling, dai nakakadangog, dai nakakakakan o nakakaparong.

Hukom 10:14

Lakaw kamo, asin duman pag-agrangay sa mga pinili nindong mga dios-dios. Sinda an magligtas saindo sa panahon kan saindong kasakitan.”