Isaias 44:3 - Marahay na Bareta Biblia

³ “Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 44:3 ပူးပေါင်းရင်းမြစ်များ

An Libro ni Job 5:25

Magkakaigwa ka nin kadakul na aki, na siring kadakul kan mga dahon nin mga doot sa pasabsaban.

Salmo 107:35

An desyerto ginibo niyang mga sapa, an mamarang daga pinangagin niyang mga burabod.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Isaias 27:3

“Binabantayan saka binabaribi ko iyan. Aldaw-banggi na ginigibo ko iyan tanganing mayong maraot na mangyari diyan.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 48:19

Siring kutana kadakul sa baybay kan dagat an saindong kapagarakian, asin dai nanggad sinda mapupuho o matutunaw sa sakong atubang.”

Isaias 48:21

Kan pangenotan nin Kagurangnan an saiyang banwaan sa sarong mainit asin mamarang desyerto, dai sinda nagtios nin paha. Pinaluwas niya an tubig sa gapo para sainda; binanga niya an gapo, asin nagbulos an tubig.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 55:1

Nagsasabi an Kagurangnan, “Madya, kamo gabos na napapaha— uya an tubig! Madya, kamo na mayo nin kwarta— bakal asin kakan! Madya, bakal kamo nin arak saka gatas alagad mayo ini nin bayad!

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Isaias 61:9

Magigin bantog sinda sa tahaw nin mga nasyon; an gabos na makahiling sainda makakaaram na sinda an banwaan na sakong benendisyonan.”

Isaias 65:23

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Ezekiel 47:8

Sinabihan niya ako, “An tubig na ini nagbubulos pasiring sa parteng sirangan kan daga, pasiring sa Kapantayan nin Jordan sagkod sa Gadan na Dagat. Pagbulos kaiyan sa Gadan na Dagat, malilinigan an tubig duman.

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Joel 2:27

Dangan, Israel, maaaraman mo na yaon ako sa kaibahan mo, asin na ako, an Kagurangnan, iyo an saimong Dios saka mayo na nin iba. Dai na nanggad pagtutuyatuyaon an sakong banwaan.

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Joel 3:1

An Kagurangnan nagtataram, “Sa panahon na iyan ibabalik ko an kauswagan nin Juda saka Jerusalem.

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Mateo 12:43

“Kun minaluwas sa tawo an maraot na espiritu, minaduman iyan sa mga mamarang lugar sa paghanap nin mapapahingaloan. Kun mayong nakukua,

Mga Gibo 10:45

An mga Judiong paratubod na nag-iba ki Pedro hale sa Jope napangalas, huli ta an balaog nin Espiritu Santo itinao man nin Dios sa mga pagano.

Mga Gibo 2:17

‘Iyo ini an sakong gigibohon sa mga huring aldaw, an sabi nin Dios: Papahiligon ko an sakong Espiritu sa gabos na tawo. An saindong mga aking lalaki asin mga aking babae maghuhula; an saindong mga hoben na lalaki makakahiling nin mga bisyon; an saindong mga gurang magkakaigwa nin mga pangatorogan.

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”

Kapahayagan 21:6

Dangan nagsabi siya, “Natapos na! Ako an Alfa asin an Omega; ako an kapinonan asin an kataposan. An siisay man na napapaha, mayong bayad na papainomon ko hale sa burabod nin tubig na nagtatao nin buhay.

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.