Isaias 43:5 - Marahay na Bareta Biblia

⁵ Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 43:5 ပူးပေါင်းရင်းမြစ်များ

Salmo 106:47

Ligtasan kami, Kagurangnan nyamong Dios, asin tipona kami hale sa mga nasyon, tanganing pasalamatan mi an saimong banal na ngaran saka magmuraway sa saimong kaomawan.

Salmo 107:3

asin ibinalik hale sa ibang daga, hale sa sirangan asin sa solnopan, hale sa amihan asin sa habagat.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 41:9

Kinua taka hale sa mga poro kan daga; inapod taka hale sa pinakaharayong mga kanto kaini asin sinabihan, ‘Ika an sakong sorogoon.’ Dai taka isinikwal kundi pinili.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 49:12

Maabot an sakong banwaan hale sa harayong lugar, hale sa amihan saka sa solnopan, asin hale sa Aswan sa habagat.”

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 54:3

Huli ta papadakulaon mo an saimong daga sa gabos na direksyon; makukua giraray kan saimong namamanwaan an daga na sinakop kan ibang nasyon. Mapapano nin tawo an mga syudad na mayo nin nag-eerok ngunyan.

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 61:9

Magigin bantog sinda sa tahaw nin mga nasyon; an gabos na makahiling sainda makakaaram na sinda an banwaan na sakong benendisyonan.”

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 23:7

“Maabot an panahon”, an sabi nin Kagurangnan, “na an mga tawo dai na manunumpa huli sako bilang an buhay na Dios na nagluwas kan banwaan nin Israel hale sa daga nin Egipto.

Jeremias 23:8

Embes kaiyan, manunumpa sinda huli sako bilang an Dios na buhay na nagluwas kan banwaan nin Israel hale sa daga sa amihan asin hale sa gabos na nasyon na winarakan ko sainda. Dangan mag-eerok sinda sa sadiri nindang daga.”

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 3:18

Makikiayon an Israel sa Juda, dangan magkaibahan na mabalik sinda hale sa amihan saka mag-eerok sa daga na itinao ko sa saindang mga ginikanan bilang pamana sagkod lamang.”

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Joel 3:7

Ngunyan papaluwason ko sinda sa mga lugar na pinagpabakalan nindo sainda asin gigibohon ko man saindo an ginibo nindo sainda.

Mikas 2:12

“Alagad titiponon ko kamo, kamo gabos na natada sa Israel. Sarabay ko kamong dadarahon siring sa mga karnero na nagbabalik sa toril. Arog sa pasabsaban na pano nin karnero, magigin pano giraray nin tawo an saindong daga.”

Zacarias 8:7

Ililigtas ko an sakong banwaan hale sa mga dagang pinagdarahan sainda,

Lukas 13:29

Maabot an mga tawo hale sa sirangan, sa solnopan, sa amihan asin sa habagat, dangan matukaw sa bangkete sa Kahadean nin Dios.

Juan 10:16

Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.