Isaias 43:3 - Marahay na Bareta Biblia

³ Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 43:3 ပူးပေါင်းရင်းမြစ်များ

Genesis 10:7

An mga aking lalaki ni Cus iyo si Sheba, Havila, Sabta, Raama asin Sabteca. An mga aking lalaki ni Raama iyo si Sheba saka Dedan.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Mga Talinhaga 11:8

An matanos iliniligtas sa kasakitan, alagad sa maraot minahugpa iyan.

Mga Talinhaga 21:18

Minabalik sa tampalasan an kasakitan na saiyang pinaplano laban sa mga matanos.

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 20:3

Kan masakop an Asdod, nagsabi an Kagurangnan, “Tolong taon nang namuhay na huba saka mayo nin sandalyas an sakong sorogoon na si Isaias. Tanda iyan kun ano an mangyayari sa Egipto asin Etiopia.

Isaias 30:11

Humale kamo sa samong agihan asin dai nindo pag-olangon an samong dalan. Habo ming madangog an dapit sa saindong banal na Dios nin Israel.”

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 43:11

“Ako sana an Kagurangnan, asin pwera sako mayo na nin paraligtas.

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 45:15

An Dios nin Israel, na nagliligtas kan saiyang banwaan, sarong Dios na dai nagpapahiling.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Jeremias 14:8

Ika sana an paglaom nin Israel; ika an nagliligtas samo sa panahon nin kasakitan. Tadaw ta arog ka sa sarong dayuhan sa samong daga, arog sa sarong parabaklay na nakikitorog sana sa laog nin sarong banggi?

Jeremias 16:21

“Kaya,” an sabi nin Kagurangnan, “ngunyan asin sagkod lamang ipapaaram ko sa mga nasyon an sakong kapangyarihan asin an sakong kosog; maaaraman ninda na ako an Kagurangnan.”

Ezekiel 39:7

Ipapamidbid ko an banal kong ngaran sa banwaan nin Israel, asin dai ko tutugotan na madigtaan pa iyan. Dangan maaaraman kan mga nasyon na ako, an Kagurangnan, iyo an banal na Dios nin Israel.”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Judas 1:25

sa iyo sanang Dios na satong Paraligtas huli ki Jesu-Cristo na satong Kagurangnan, mapasaiya an kamurawayan, kamahalan, kapangyarihan saka an awtoridad, bago an gabos na panahon, ngunyan asin sagkod pa man! Amen.