Isaias 43:25 - Marahay na Bareta Biblia

²⁵ Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 43:25 ပူးပေါင်းရင်းမြစ်များ

2 Mga Cronica 6:21

Hinanyoga an saimong mga sorogoon pati an saimong banwaan na Israel sa panahon na mamibi kaming atubang sa lugar na ini. Hinanyoga kami hale sa saimong erokan sa langit dangan patawada.

Salmo 103:12

Kun gurano an rayo kan sirangan sa solnopan, siring man an pagrayoan niya sa sato kan satong mga kasalan.

Salmo 103:3

Pinapatawad niya an gabos kong kasalan, binobolong niya an gabos kong helang.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Salmo 51:3

Huli ta nasasabotan ko an sakuyang mga kasombikalan; danay na nasa atubang ko an sakong kasalan.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Salmo 51:9

Hare paghilinga an sakong mga kasalan; paraa an sakong mga kasombikalan.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 37:35

Susurogon ko an syudad na ini, huli na sana kan sakong onra asin huli kan mga ginibo ko ki David na sakong sorogoon.’”

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Isaias 43:11

“Ako sana an Kagurangnan, asin pwera sako mayo na nin paraligtas.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 48:11

Huli sa sako man sana, ginigibo ko iyan— dai ko itutugot na pagbasang-basangon an sakong ngaran o na may makihiras kan sakong kamurawayan, na para sa sako nanggad sana asin bakong sa kiisay pa man.”

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Isaias 64:9

kaya dai ka maanggot samo nin marahay asin dai mo paggiromdomon sagkod pa man an samong mga kasalan. Kami an saimong banwaan; maherak ka sa samo.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Ezekiel 18:22

Papatawadon an gabos niyang kasalan asin mabubuhay siya, huli ta naggibo siya kan matanos.

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:22

Alagad dai ko iyan ginibo huli ta mapapasopog an sakuyang ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Ezekiel 33:16

Papatawadon ko an mga kasalan na saiyang ginibo, asin mabubuhay siya huli ta ginibo niya an matanos saka tama.

Ezekiel 36:22

“Kaya sabihan mo an mga Israelita na ini an itinataram ko, an Kagurangnan Dios: Banwaan nin Israel, an gigibohon ko bakong huli sa saindo, kundi huli sa banal kong ngaran na dinigtaan nindo sa lambang nasyon na dinumanan nindo.

Ezekiel 36:32

O Israel, boot kong maaraman mo na ginigibo ko an gabos na ini bakong huli saimo. Boot kong mamatean mo an kasosopgan saka an pagkawara nin onra huli kan mga ginigibo mo. Ako, an Kagurangnan Dios, an nagtaram.”

Markos 2:7

“Tadaw ta nangangahas na maglanghad an tawong ini tumang sa Dios? Dai nin siisay man na makakapagpatawad nin mga kasalan kundi an Dios sana!”

Lukas 5:21

Nagsaboot an mga paratukdo kan Katogonan asin an mga Fariseo, “Siisay an tawong ini na naglalanghad sa Dios? Bakong an Dios sana an makakapatawad nin mga kasalan?”

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

Roma 5:20

An Katogonan itinao tanganing dugangan an kasalan; alagad mantang nagdadagdag an kasalan, nag-oorog man an biyaya nin Dios.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 1:8

na pinasupay niya sato! Tinawan niya kita nin kadonongan saka pakaaram,

Hebreyo 10:17

Dangan nagsabi pa siya, “Lilingawan ko na nanggad an saindang mga kasalan asin an maraot nindang mga gibo.”

Hebreyo 8:12

Papatawadon ko an saindang mga kasalan; lilingawan ko an saindang mga karatan.”